UN Lubik In Asia Ram Pawl Kawlram Nawr Ding Fial

UN hotu lubik Ban Ki-moon cun Asia ram pawl hnenah Kawlram ralkap pawl ih tuah an tum mi hrilawknak ah nasa zet ih hmainawr pinak an neih lo ahcun an zumawknak pawl a ti buai thei ding tiin a sim.

UN General Assembly tuisun tlawngkai nikhat niih an neihnak ding khal ah Ban hin Kawlram ih inn hnen ram pawl hnenah tu hnak ih tamsawn tuan dingin a fial. Hi an tonkhawm thurelnakah minung covo, harsatnak ih bawmnak lam le Kawlram hrilawknak November 7 niih an neih dingmi pawl an rel ding. Britain, United State le Canada cun a dokalh lam zawngin thurelnak an nei zo.

UN secretary general cun Nobel prize lawm man ngahtu le Kawlram hrilawknak ih a rak neh zotu dokalhtu party hruaitu bik Aung San Suu Kyi le a pawlkom pawl an tel lo dingcu ‘ka sia  rem lo’ tiin a sim.

Ban hin Association of Southeast Asian Nations (ASEAN)ram 10 pawl ih hruaitu  pawl thawn Kawlram thansohnak ding le hngialhnget zet ih a um theinak ding hrang UN thawi thuhla hlawmtawn tlangnak kan dung tlawi kai ninga sun ah an nei. “Mipi zalennak ding hrangih lampi le rampi rem that salnak, athianghlim le zalenmi hrilawknak thu pawl Kawlram ih umthei dingin lungkimnak kan nei’ tikhal cun a sim.

Kan thurel tlangmi le kan lungkim mi parih an tuah hlawhtlin lo ahcun kan zumawknak le an bulhrampi tiangin a poi ding asi ti khal cun a sim bet. ‘UN le ASEAN kawm aw in Kawlram hi kan bawm a tul, harsa bawmnak le thansohnak lampi an neih theinak ding hrangah a si’ tikhal cun Ban cun uar zet in a sim.

US President Barack Obama khalin ASEAN ram 10 pawl hnenah Kawlram thu ih nawrnak nei dingin a sim ve.

ASEAN ram hruaitu pawl khal in athianghlimmi le zalen mi hril awknak Kawlram ih a um theinak dingah le US le Kawlram a thuthiam awknak pawl a pom pi ve thu an simih, hi an thutiam awknak in Kawlram ralkap acozah hnenah ramthu khelnak lam ah le sumtuahnak lam ih remawknak khal an tuah ding an zum thu an sim ve.

ASEAN ram pawl cu Brunei, Cambodia, Indonesia, Laos, Malaysia, Myanmar, the Philippines, Singapore, Thailand le Vietnam pawl tla an si.

AFP

(Visited 72 times, 1 visits today)

Comments

comments

2 Comments

  1. CT,

    Kan ram uktu ngai hi ee!
    Sim theih ding an si lo.

    Politics hrang ahcun nikhat te sung ah ziangkim a thlengaw thei men.
    Tui hrilawknak ding thu khal hi, ruahnak le zumnak sim cio men a si.

  2. Kan ram hi Pathian hna tlak a si le ,ai thleng ko lai, a bia pi bik cu ,a chungah a leng mi kan miphun dihlak thin lung a zoh tu le kan caah a tha le that lo a ngal bik tu kan Pathian nih khua a kan khaan piak ko lai,ai thleng rih lo si ah le kan Pathian nih a za rih lo a ti ruang ah a si ko lai,zumtu kan caah kan luat nak taktak cu Pathian thlarau a um nak kha a si ko,cucu Pathian thlarau a ngei tu kan tam ah le ,luatnak kan hmu hlei ah Pathian kan cungah ai lawm caah,pumpak cio long si loin,kan kawl ram pi tiang a thleng kho tu kan Pathian a si caah ,a sin thlcam kha zum tu pawl kan rian bik a si ko tiah ‘ka ruah’

Comments

%d bloggers like this: