UN lubik Ban Kawlram siattawnnak hmunah

Thu May 22, 11:40 AM ET

YANGON (AFP) – UN Secretary General Ban Ki-moon cun tlawngkai nili ni thawk in siattawnnak hmun pawl cu a hal thawk ih, Kawlram ralkap miuk ih bawmnak a onnak in mipi siarcawklo nunnak a rundam ding a si ti thu khal an rel tlang.

Tuahremnak dingih phuhhruk bawmnak ramdangpawl ih pek an tum mi ramsung cozah ih an sianglo miin ramdang pawl a ti lau. Ban in siangzet ih bawmnak pek mi pawm thei dingin thlem a tum.

“Leitlun pumpi in bawm an lo tum” tiin ninghang tuartu pawl cu a sim ih, siattawnnak hmun cu a veh, “na ruahsannak hlohhlah” tiin ninghang tuar nu khalcu a hnem.” “Nan hrangah UN a um a si ti khal cun ati bet.”

Ban cun “tuah danglam awk theinak (flexibility)” ralkap hnenin a um a ti. Amahlawngte UN hotu lu hin tuni tiangah cun Than Shwe hnenih cale a phone ih kawhmi a lehnak cu a hmu hrih lo.

Ban hin tlawngkai ninga niah hmunthup ih a ummi Naypyhidaw ah Than Shwe a tawngding ih a ti danglam awk ding le ramtin pawlkawm ih thinhengnak, minung hmuhsuam sualnak daan a pahbal ding thu khal a relpi ding beisei a um thu thuthangcun a puang.

UN ih a zumdanah cun zatek 25 tluk lawngin rawl, tidai, umnak hmun le sivai antul mi pawl ramtin pawlkawm ih bawmnak anpek ngahsun miin an congah an zum.

French le US long pawl cun tipi kapah bawmnak pek dingin an hngak nan a ramsung luhsiannak visas a pe duh lo. Hi long pawl hin siannak pakhat lawng anhngak ti in Michael Turner US palai pakhat cun Thailand ramri in a sim.

“Hi rapthlak harnak pahtlang dingin ka rin aw tawk, na mipi hnenah beiseinak thuthar tlun dingin ka zuam ding” tiin kum 40 sungih a hmaisabik UN secretary general kawlram ih tlawngtu Ban cun a sim.

“Cu ti rualrual in, na mipi pawl le a cozah tangtlangin bawmnak cu tuah asi le tuahdan phungphai um deuh in nan tuah thei ding ka zum a si” a ti bet.

+++++++++++++++++++++++++++++++++++++++++++++++

(Visited 42 times, 1 visits today)

Comments

comments

Comments

%d bloggers like this: