UN In Israel Thu Trump Ih Thusuah Mi Hlit Kir Dingin Rel

Tulai fang leitlun mipi pawl ih ngaihven bik mi lakih pakhat; Israel khawpi hrang Jerusalem a si ding tiih USA president Trump ih a thusuah mi thu cu mizan sunah UN pawl in rorelnak an neiih hlit kir sal dingin an rel.

Hi lairelnak ih VOTE an thlaknak ah ram 128 in an duhlonak an vote ih ram 9 pawl in an duhnak an Vote. Ram 35 pawl an lairelnak an kai theilo ruangah Vote an thlak lo.

An lairel thluknak ih an ngan mi ahcun, Trump in Israel khawpi Jerusalem ih a nehmhnget mi thu hi, ‘thumpomding umlo le hrial ding mi’ (Null and Void) a si tiin an relcat. Cumi lawng siloin zo ram hman in hi khawpithar tihi pom mi Jerusalem ah ram palai inn pawl ṭhawn in sak lo dingah an lungkim.

US rampiin UN innpi ih lairelnak an neih hlanah Jerusalem thu ih US rampi thusuak dokalhtu pawl cu ka lo hminsin dingih bawmawknak kan pek awk mi khal kan zohfel ding tiin an rak sim cia.

Tui ṭum lairelnak ih US thu dokalhtu pawl lakah US ih bawmnak a pek tambik mi rak hrekkhat pawl a simi; Afghanistan, Egypt, Jordan, Pakistan, Nigeria, Ethiopia, Tanzania and South Africa pawl an tel.

Hi UN meeting hi UNSC meeting nak ah USA in a VETO hmangin an thurel mi a botcat hnu, Palestine, Arab le Muslim ram dang pawl ih ngennak in Lakhruak meeting an neihnak a si.

US lungkim pitu ram dang pa riat pawl cu;-

Guatemala
Honduras
Israel
Marshall Islands
Micronesia
Nauru
Palau
Togo

– UN, BBC

(Visited 304 times, 3 visits today)

Comments

comments

Comments

%d bloggers like this: