UN in Kawlram thu relsal ding

UN : UN Security Council in kawlram a ramthu khel dan thu thawn pehpar in tui thlasungih UNSC agenda ih rel a si dingmi thu ah a um tiin UN ih US Ambassador Zalmay Khalilzad cun a sim, a mahlawngte an rel ding ni lawngte theihfiang a si hrih lo.

Khalilzad in UN ih July thlasungih a rel dingmi thupi an rel suahmi a sim nakah tulai ih leilung tlun ih ram thubuai bik Zimbabwe le Kawlram thu cu relsuah a si zo thu khal a rel tel.

UN ih Vietnamese Ambassador Le Luong Ming, cun Kawlram thu rel a si tikah a tamsawn ih duhnak (consensus) cun kan tuah lo ding a ti. Asim vivo nak ah cun Zunbabwe le Burma ram ih minung hmuhsuamnak thu rel ding nakah president cio khal in a sungtuan thaten sim thei seh a ti bet.

Culawng si lo in White House, US president George W Bush ih rorelnak thusuak cun Bush ih G-8 hruaitu pawl Japan ih a tawnnak ah Kawlram thu a hmaisabik le duhsak bik ih rel a si ding thukhal a sim a ti ve.

Thusuak tuah cia zo vek in UN Envoy Ibrahim Gambari khal Kawlram ah tui thla sungih tlawng ding a si ih, Ralkap hruaitu lu le Aung San Suu Kyi khal a tawng ding. Amah lawngte ziangtik a tlawngding ti lawngte simfiang a si hrih lo.

UN Secretary-General Ban Ki-moon khal cun tulai fangte ah Korea ih a umnak ih sinChina ramhruaitu lu Hu Jintao, Premier Wen Jinbao le Foreign Minister Yang Jiechi pawl hnenah Kawlram thu ih rak bawm ve dingin an dil.
+++++++++++++++++++++++++++++++++++++++++++++++

(Visited 43 times, 1 visits today)

Comments

comments

Comments

%d bloggers like this: