UN in bawmnak petu hotu lu Kawlramah kuat beisei

Associated Press Writer Thu May 15,

UNITED NATIONS – United Nations cun an mah lak ihsin emergency relief coordinator cu Kawl ramsung luh siannak visa a ngah thei a siah cun kuat a duh thu a puang.

Secretary-General Ban Ki-moon cun a hnuai tuan John Holmes cu mi harsa bawmnak thuthawi pehpar ih zohfel dingin le mi harsa tak tak hnenih bawmnak a thlen taktak theinak dingah le bawmnak ramdangih sin tampi luhsian a si theinak dingih lam on sak a si theinak ding ih sulsu dingin Kawlram ih feh tir a si thu U.N. thupuangtu Michele Montas cun May 16 ni ah a puang.

Hi nu ih a sim vivo nak ah cun Ban hin Kawlram chairman thawn an biak awk thei hrih lo, Kawlram miuk in a ca kuat mi le a phone mi pawl zianghman ah a siarsak lo thu ti khal cun a sim tel bet.

Holmes cun May 14 niah kawlram ah U.N. World Food Program rual ih lut dingin dilnak a pe zo. Montas ih a simnakah cun tuni tiangah cun angah hrih lo, amahlawngte a ngah kan bei sei a ti. Hi thluk a ramharsa mi ih ramdang pawl bawmnak pek luh a sian lo thu lawngah te nasa zet in a sawisel ve.

UN ih a ruah har mi cu bawmnak – rawl, tidai, umnak hmun zamrang te ih harsa tuartu pawl pek an si lo ah cun natnak le rawllo in ‘avoi hnihnak thihpi’ mipi hnenah a thlengsal pangding ti a si.

+++++++++++++++++++++++++++++++++++++++++++++++++++

(Visited 31 times, 1 visits today)

Comments

comments

Comments

%d bloggers like this: