UN envoy Kawlram thleng

31-01-09; Ram thatnak thu, Aung San Suu Kyi le hnasau pawl relpi dingah, Kawlram cun tuini ah a thleng. Hmansehla, veiruk rori rak hlawhsam zo a si nak cun beisei nak nieng a suah pi tuk lo.

Kum 2003 ihsin inn sungih kharkhih mi Suu Kyi cun kan dung kum August ih Ibrahim in kawlram a tlawn tum ahkhan a rak tawng duh lo a si kha, hmansehla Ibrahim hin a hna cu pelhsolh san siang cuang lo in, ralkap hotu le Suu Kyi tawn a tum thotho.

Tan Shwe khal hin Ibrahim in a tawn theinak dingah vei tam zet a rak eel zo ih, a san deuh bik cu Ibrahim hin Suu Kyi ih hmin a rak sal ruang ah a si.

“UN envoy in kawlram a tlawnnak hin hlawknak a suah pi ding” tiah UN thuphuangtu cun a sim. NLD aiawh ih thuphuangtu khalin tui tum cu Ibrahim Gambari khal Suu Kyi in tawn a duh ding zum a um thu a sim ve.

Comments

comments

2 Comments

  1. saitinhrekhal says:

    kawlram ralkap cozah tak hi cu aw!!!!!!

  2. Ro Khar Thang says:

    Bible sanlaiih Farasi an rak ti mi le kan ram cozah an bangawk nal bik cu, Mahin thiltha zianghman tuah si lo, midangih thiltha tuah ding kham eu eu si, hi nun hi ka vun zoh canah ka thin a pit ut o ih ka lungtur a cawl zik zuakzo theu.

Comments

%d bloggers like this: