Umnak Hmun Rem Tthattu

Umnak Hmun Rem Tthatu
Siar:
-Thuphuan 22:6-17
Pathian Amah rori an hnenah a um dingih an Pathian a si ding.
An mitthli hmuahhmuah a hnul sak ding. -Thuphuan 21:3-4

Kumkhat Sung Baibal:

Ezekiel 43-45
Thufim 16:12-21

A tthit aw cing dingmi fala le tlangval  kopkhat cu nunnomnak an hmannak ding hmun remcang hawl in an buai rero. An feh tlang ding tikcu caan an hngakhlapzet. Asinan a hmun kha a thupibikmi a si lo. Mah duhmi thawn um tlang ding hi a thupi sawn.

Hmun le hma cu nuamzet le tthazet hmansehla nin cingcing a si. Asinan in duhdawt biktu thawn um cu ning ti a um lo.
Thuphuan sungah Johan in vancung ram cu ziangvek a si ding ti duhnungza in a sim. A si daan cu a hmun ram thu a si lo. Kanmah thawn a um tlangtu ding mi sawn a si. Jesuh cu kan hrangih hmun a remmi ah in hruai dingin a ra saal ding. Mangbangza thuthang cu, “Ngai uh, ka ra cing ding” (Thup. 22:7).
“Ka hrangah a ra ve lo, midang hrangah a ra” tiah na ruat pang asile Thuphuan 22: 17 nak hi hrelh hrimhrim hlah. “Thlarau le mo cun, ‘ra-aw’ an ti. Hih thu a theitu hmuahhmuah in, ‘Ra aw’ tiah ti ciar hngai seh. Tihal mi hmuahhmuah in ra uh; nunnak tidai a duhtu hmuahhmuah in man pek loin ra in uh. “Mi hmuahhmuah tthit awknak puai ah sawm kan si thluh. Kan tuah dingmi umsun cu kan thlarau a duhdawtu le kan hrangih a thitu Jesuh Khrih zum hi a si.
Vancungram cu kan ruahnak hnakih maksak sawn a si ding. Asinan kan lungawi nomnak sangbik ding cu Jesuh thawn kumkhua kan um tlang dingmi hi a si.

A hnenah in hruai ding,

Vancungram  ih A inn nuam ah;

Sualnak le natnak um thei nawn lonak hmun,

Duhdawtnak le lungawinak in a khatmi hmun ah.

Vanram a thupitnak bik cu Jesuh Khrih thawn kumkhua um tlang hi a si.

(Visited 23 times, 1 visits today)

Comments

comments

Comments

%d bloggers like this: