Uite Busul Ih Țhatnak

Uite Busul
Uite busul hi sii ah a țha. Ziangtluk a țha timi U Aung Ngein ih tettikhannak cu Health /Wellness pawlin an rak tarlang.

“Keimah ka hmin cu U Aung Ngein, ka nupi hmin cu Daw Khin Saw a si. Țaihkyi pengțhen Phoe Khawng Uksuh Ywa Tha Khuami kan si. Uite Busul ih țhatzia hi ka lo hlawm duh. Keimah vek mi rethei harsa dam lo pawlin siar ngah hram hai seh ti ka duh.

Ka Nupi Daw Khin Saw hi a dam lo zet. X-ray tuah, a khak sit a phunphun in kan zingaw rero nan dam lam a pan thei dah lo. Nikhat hnu nikhat a tha a cem vivoih thla 9 a rei hnu ah besia zetin a na ih kan umnak thawih a naihbiknak Zato innpi ah kan feh.

Zato innpi kan thlen hnu mah le mah thei aw lo`n nikhat le zan khat sung a um. Mi hrekkhat cun a thi zo ah an ruat. A thih a sile tiin ralring cia in tim kan tuah rero lai ah a hon thei awsal.

A natnak an hmuhfiangmi cu ruh thling nat (အ႐ုိးေက်းေပါင္းတက္ျခင္း), pumpi na ti a si. Siibawi pekmi sii thla 12 sung a ei nan paisa kan tlinawk nawn lo ruangah a cawl.

Zato ihsi kan tlun in khualam rualpi pawlin Uite Busul ci ei dingin in forhfial. Uite Busul hi Rul tur khal a neh thei, pumsung cancer nat ngah lo dingin a kham thei ti thu pawl in ra sim. Cumi caan takfang ah ka nupi hi minung hmel khal a keng nawn lo. A rau phiatphiat thluh zo. A thaw a tang lai ih cu fang a si.

Ka rualpi a simi Kyaut Phia Kyian khua ihsi Saya Htein Win, Kan Kalay khua in U Maung Phy pawlin Uite Busul ci an rak kengih an rial dip hnu ah Khuaitizu thawn an phiau ih mina cu an tulh.

Cuih sii a in hnu ni 3 nak ah danglam takin mina ih mithmai cu a hong eng. Sun ah mu khat, zan ah mu khat a ei. Sii a ei thluh hnu nazi 2 hrawngin a ihhmu. Zan lam ah ih a thaw duh cuang. Zinglam thawh tik khalah zangkhai takin a um thei. Atu ka nupi cu a hlan vekin a dam lellel zo. Himi sii ei ruangah ihhmu timi lo dang zianghman siatnak tivek a um lo. Rawl ei cih ngaihlomi ti khal a nei lo”tiin U Aung Ngein cun a sim.

Uite Busul hi mirang sii hlumkhat hnakin a tha a cak sawn. Nat picang, nat fate khal a neh thei.

Sii hrangih kan hmang ding asile A kan in kang hmui dingih cumi cu cip takin rial/phomh ding. Cumi a vut le khuaitizu rawi ih in ding.

Health/ Wellness ih comment ngantu pawl cun Uite Busul hi Nu naute nei pek hnawiti suak thei lo pawl hrangih a țhat tak thu an rak ngan.

Source: Healh / wellness website

(Visited 791 times, 1 visits today)

Comments

comments

Comments

%d bloggers like this: