Uico Mit Ih Zoh Ban Tawk

December 22

Tlawngkai Nihthum

Uico Mit Ih Zoh Ban Tawk

Siar:

Isaiah 42:1-7

Bawipa keimah in ka lo ko ih huham ka lo pek. A thimmi thawnginn sungih a tomi pawl na luatter ding.     – Isaiah 42:6-7

Kumkhat Sung Baibal:

–   Micah 6-7

–   Thuphuan 13

Buddy cu ka fapa le a nupi ih neihmi: pawng 120 a rit ih, ttihnungza hmuihmel a kengmi hngawng tawi ruangtum phun uico a si. Rualpi ih kan can hlan sung cu i zum lo. Caang loin ka ding asile i zoh loin a um men. Ka vak asile a biangruh tumpi thawn a hmuihmel a thlengh aw ti ka thei ngah. A tthihtu raal ka si lo ti a theih ngah hnu cun thilri phur tlanglengpi vekin a ke tumpi thawn i ra zon ih a hnawng thak i kheuhter.

Ka hnen ihsin Buddy ih a ttulmi thil hi Pathian in leilung ah rung ttum in Jesuh Khrih sungin kan lakah kanmah thawn bangran ih nungin in pekmi thil langternak a si men ding. Hmaisabik ih kan nu le pa (Adam le Eve) an sual ih Pathian hmai ihsin an thup awk ihsin thokin minung in a thianghlimmi Pathian hmai ah kan naih ngam lo (Johan 3: 20).

Curuangah Isaiah ih a sim cia vekin a hnenah in hruaikir saal dingin Pathian cu niamzet ah a tuah aw. A niamzetmi sal ah a tuah aw ih kan sual thlahnak hrangah in Sersiamtu cu a thi. “Rualpi” tiah in ko dingin (Johan 15:15) a thimmi thlarau thawnginn ih a tomi pawl (Isaiah 42:7) atu khal ah in leem rero. Ziangti’n amah rinsan ding cu kan ttih thei hrih ding?   – Mart De Haan

Bawipa, vancung ihsin lei ah na rat ruangah kan lungawi,

Minung tisa kengin;

Na kiang ih kan naih thei ruangah kan lungawi,

Misual kan si nain.    Amen

A saangmi le a thianghlimmi Pathian cu                                                            tangdor le nunneem ah a rung cang.

(Visited 22 times, 1 visits today)

Comments

comments

Comments

%d bloggers like this: