UI LOTEN PEKMI LAKSAWNG

December 25

Tlawngkai Nili

 

Ui Loten Pekmi Laksawng

 

Siar:

Mikah 5:2-6

 

Kan Bawipa Jesuh Khrih ih mi a zaangfah zia cu nan thei. Amah cu a lianzet nain nanmah ruangah mi farah a cang: cuticun a farahnak thawngin mialian ih nan cannak dingah a si. – 2 Korin 8:9

 

Kumkhat sung Baibal:

       Luka 2

 

Israel ram Herodium ih hlansan thil a simi plaster hlun pakhat ka nei. Cumi ka hmuh tinten kan Bawipa Jesuh Khrih ih tangdor nun a neih zia ka mang t.heu.

 

Herodium cu Herod ih tthal caan colhnak inn a si. Cuih inn mawizet kau le nuam ah siangpahrang innsang le mikhual pawl to tlangnak khaan khal a um. Tikholhnak tihlum le tidai tili dawl pawl cu pangpar hmuandum in an kulh.

 

Cuih innpi cu raalneh hngilhlonak ih sakmi asinan tumtah dang khal a nei thei men. Herod in Micah ih simciami Messiah cu Bethlehem ah a suak ding ti a theih (Matt. 2:4-6) ruangah a inn ih suahter a duh theimen ti’n a zumtu khal an um.

 

Pathian ih ruah daan cu a phundang ruangah siangpahrang inn ah si loin a niamzetmi ttilva rawl einak ah Bawi Jesuh cu a suak.

 

“Kan Bawipa Jesuh Khrih ih mi zaangfahnak cu nan thei: Amah cu a lianzet nain nanmah ruangah mifarah a cang: Cuticun a farahnak thawngin milian ih nan cannak dingah a si”(2 Kor 8:9). Hih laksawng hi ui lote in pekmi rundamnak a si. Nang le kei ih kan comi laksawng hmuahhmuah lakih maksakbik laksawng a si.

 

Ngun ih tuahmi thingkuang a hmang lo,

Laksawng funnak rong hring le sen khal a hmang lo;

Ttilva rawl einak kuang sungah,

In pekmi Khrismas laksawng cu Pathian in a ret.

 

Pathian ih tthatnak le duhdawtnak cu

taksapum thawn Bethlehem ah a ra.

 

Comments

comments

Comments

%d bloggers like this: