Uhpuk tlawngpit cu tlawng pawl ih thu a si

Hramthok tlawng ihsin suakthuan tlawng tiang uhpuk tikcu ah tlawngpit in zarhte ni ih kaai saal ṭheumi cu fimzirnak zung le tlawng pawl ih thu a si tiah DC U Moe Zaw Soe in a sim.

FBA ih tonkhawm thurelnak ah FBC pastor Rev. Thang Za Khum in, “tlawngta 98% lai cu Khrihfa an si tikah himi ni ih tlawngpit cu hinah hmun ah a remcang lomi a si ruangah ziangti’n tawlrel theih a si ding?” timi thusuhnak cu DC pa in a tlunlam vekin a let saalmi a si.

DC pa cun, “acozah ih official zungpit ni pawl cu calendar ah a sen in ummi lawng a si. Uhpuk ni tlawngpit in zarhte ni ah airol ih kaai saalmi a remcang lo asile tlawng saya, tlawng saya/makyi le fimzir zung lam in anmah te’n tawlrel theihmi a si.

Hih thu cu daan hrampi sungah a um lo vekin cozah hnaṭuantu pawl kutkaih upadi sung khal ah a um lomi a si ruangah kanmah uknak zung lam ih tawlrel ṭul loin anmah te an tawlrel theimi thu a si” tiah a let saalmi a si.

Hram – CH

Comments

comments

Comments

%d bloggers like this: