U Thei Sein Ih Ram Remthatnak Fehpimi Kawlram Ralkap Pawl In Pawmpi

Irrwaddy | January 27

Kawlram president U Thei Sein in ram remthat-awknak a fehpi reromi cu Kawlram cozah ralkap thenkhat in an pawm in an lungawi thu an sung le thenkhat pawl in an rel.

U Thein Sein in Suu Kyi hruaimi NLD thawn thawnawknak tuah in ram thuhla rel khawmnak a neihpimi siseh, hriamhrei keng hel pawl thawn remnak a tuahmi le remthukhel ruangih thawngtla a suah zalen mi parah Kawlram cozah ralkap thenkhat cu an lungawi in U Thei Sein ih a tuami pawl an pawmpi a si.

Ahlan ahcun, Buhmugi Than Shew kuthnuaiah U Thei Sein in Than Shew duhdaan in ram a rak hruai nan tuahcun president a si zovek in Kawlram mipi hrang lawngah silo in Kawlram ralkap hrang khalah an hminthat thei ve nak ding in hna atuan in a hruai thu khal cozah ralkap sungkua pawl in an rel.

U Thei Sein le Kawlram Defense Minister Min Awng Hlein lakah theihthiam-awklonak a um konan U Thei Sein in ram remthatawknak a fehpimi ah cun a lungkimpi ve. Tu’ithla ih Min Awng Hlei Thailand ram a feh tum khalah Min Awng Hlein cun Kawlram president in democracylam hawi in remthatawknak a fehpimi ah ralkap cun a hlan vekin thuneihnak an lak leh tum nawn lo thu a rak rel zo asi.

Kawlram cozah ralkap tamsawn in hivek ih U Thei Sein hnatuanmi an duh in an pawm vivo a si ah cun Suu Kyi si sawnlo in Kawlram president in a rei hlanah mipi uknak rampi ah a hlangkai ding ti ruahsannak an neih thu khal ralkap sung le pawl hnen ihsin theih a si.

(Visited 80 times, 1 visits today)

Comments

comments

Comments

%d bloggers like this: