U.S. Lawng: Bawmnak Kawlramah a fawr keuhko

15| May : PATTAYA, Thailand (CNN) – US Lawng, thupuangtu ih a puan dan ah cun tlawngkai nithum ni ihsin thok in Kawlram ralkap in a Nargis thlisia ih bese zetih a nuainak hmun ah bawmnak malte luh a siangthawk tiin a puang.

Ramsung ngai ngai ih luh an sian lo ruangah ramleng ihsin US vanzuang panga pawl in bawmnak pelut dingin an nghak tiin Lawng thupuangtu cun a puang. US vanzam pawl hin kuang 46 khat, tidaithiang, plastic ihphah, le cawhnawi dip pawl anphur.

US vanzam bawmnak pe dingin, tlawngkai nikhat niah pakhat le Tlawngkai ni hnih niah pahnih tiin pathum cu an zuanglut zo. Hi vanzuangpawl cun rawl, Kawngsang sur, Tipuan pawl an phur.

AP thuthangih a puandan ah cun thlisia ruangih harsaknak a tuartu mi million 2 lenglo cu an sinan, Bawmnak mi 270,000 hnenlawngah a thlengthei hrihlai tiin tlawngkai nithum niah a puang.

Samak Sundaravej Thai MP Yangon tlawngra tlung ih a simdanah cun Ralkap miuk cun natnak sia karh zai thei le rawllo ih harcun ka tuahlo ding tiin a tiamkam aw tiin a sim. Asimvivo nakah cun Kawlram in Ramdangmi hnen hrim hrim ihsin bawmnak anduhlo, anmah te in an anharsatnak cu anphuh hruk aw thei ding anti aw a ti bet.

The United Nations ih a zumnakah cun mi 63,000 ihsin 100,000 lenglo cu thlisia ruangah mithi an um ding a zum. Asinan Ralkap pawl cun mi 30000 hnakih tam an silo ding tiin a ti ve.

Yangon khaw hlum pakhat cun Thlisia dang ahran, ramdang mipawl ih an puansak thu an hmuh thu AP an sim, Asinan Kawlram acozah cun zianghman a puang velo.

Asinan Thlisia lamih mithiam Hokong ih City University, pawlcun hi thlisia cu Nargis tluk cun a nasa lo ding ziang ruangah tile leilung naih ih hrangmi a si an ti.

“Ruahcu nasa zetin a sur ko dingnan thlicu napin ahranglo ding” tiin Professor Johnny Chan cun a sim. CNN nikhua zohtu khal cun besia tukih a hran lo dingthu apuangve. Amahlawngte Ruah sur cun harsa tuartupawl harsatnak a pe bet dingih hleiah bawmnakpek a ti khawtlai dingti lawngte phan a um tiin thuthang cun apuang.

British Prime Minister Gordon Brown cun UN secretary-general cu Kawlram hrangih bawmnak a tulthu (emergency summit) puangdingin a ngen ih hleiah amah rori Kawlramih feh dingin a ti bet.

Brown ih hitiih a ti nak san cu ‘ramdang’ in Kawlram thu U.N. Security Council ih reldingmi a khamruangah a si. Cuiram lawngte a hmin sal a duh lo.

(Visited 28 times, 1 visits today)

Comments

comments

Comments

%d bloggers like this: