U.S In Kawlram Hremnak Dang Hlihsak Leh

Irrwaddy | Febuary 8

Hillary Le U Thei Sein Tawnawk Lai

Kawlram acozah cun ram remthatawk-nak a fehpi vivo ih ram dang pawl mithmuh ah langngan in thlakthlengawknak  atuah thei vivo ruangah U.S cun Bank dangdang hmang ih sumpai thleng le bawmnak pekmi pawl cawlh ter ih hremnak an rak pek mi cu an hlih zo thu thuthangca in a tarlang.

U.S acozah cun Kawlram sung ih bank dangdang : Kabah Bank (World Bank), Asia Development Bank le IMF pawl fehtlang in sumpai lam in siseh technilogy lam in siseh bawmnak a phunphun a rakpek theumi cu Febuany 7, tlawngkainihnih ah U.S acozah cun a hlih sak leh sal a si.

U.S thuneitu pawl cun hivek ih Kawlram acozah hremnak an hlihsaknak san cu Kawlram in ram remthatawk-nak a neihmi pawl parah an tiamkam vek in an hlensuak mi a si thu an rel. U.S cun Kawlram cu pursumleilawnnak le ramthuhla ih hremnak thenkhat pawl cu a hlihsak hrih lo nan tuvek ih hremnak an hliihsak ruangah Kawlram cun bank dangdang pawl hnen ihsin sumpai in siseh technology lam in siseh bawmnak a phunphun a nei thei thlang ding ruangah Kawlram hrangah cun hmasawnnak tam zet a neih thei phah vivo ding ih thansohnak khalah cak sin in a feh thei phah ding a si.

‘  U.S cun Kawlram remthatawknak pawl cu kan lungawipi in ram remthatawk-nak a nei vivo ding a si ah cun hmailam khalah a tul dan ih zir in bawmnak pe ding ah le ram pahnih pawhawknak ah theitawk ih pehtlaihawk-nak kan neih theinak ding ah hmalaknak kan nei ding.’ tiah U.S thuthang cun a tarlang.

Kawlram ih ramthukhel thawntla pawl suah zalen ding, hriamhrei keng hel pawl thawn remdiahnak tuah ding le lailak-hrilawknak khal ah dik tak le felfai zet ih hrilawknak neih ding thu pawl Kawlram acozah hnenih U.S acozah in a phutmi cu Kawlram acozah in ti hlawhtlinsak leh a si ah cun U.S cun an hremnak cu pakhat hnu pakhat ih an hlih sak vivo ding thu khal a tarlang bet.

(Visited 43 times, 1 visits today)

Comments

comments

2 Comments

  1. stephenbawino says:

    uknak thu tha a si nak dingah pathian hnenah thlacam uh si ka lungawi

  2. Tha suak vivo hramseh

Comments

%d bloggers like this: