U.S Ih Thihnak Tuksumza

July 20, 2012 ih thil thleng mi a si. Leitlun zuknung danglamzet an tuah mi The Dark Knight Rises an suah zan ah ticket co aw lo in mipipawl an cuh aw celcel. Zuknung an zohnak hmun US ih  Aurora, Colorado veng ih Century movie theater ah James Eagan Holmes tlangval kum 24 khal a tel ve.

Mipi ziangmawzat zuknung zoh lai cu James Eagan Holmes cun mei thal thawn cawl loin mipipawl a kap ih mi 12 an thi ih 58 thihnak sualin zato an thleng. A hmutupawl cun James Eagan Holmes hi a ke ihsin a luzik tiang a tuam aw tin an sim.

James Eagan Holmes hi cinema zuknung zohnak  hmaisabik tlar ih a to hnu minut 20 hrawng ah a suak ih a mataw sung ta ralthuampawl a va lak hnuah a taksapawl a tuam aw ih cutin mipipawl kah a thok. Hivekih a cangvaih lai can hi nazi 12:38 zinglam kau a si. A hmaisabik ah a dunglam tlarpawl ih topawl a kap. Cuihnu ah a hmailam ih topawl a kap.

Cun cinema phar hrut in a kap ih a tlang hnu ah mi a hliam tir vivo bet. Hi caan hi zuknung zoh mi thawmvang nei ih an aukio can thawn a deng aw. Hivekih thihnak rapthlak a thlen hnu minit 90 ah palik le bawmtupawl an ra thleng. Palikpawl cun James Eagan Holmes hi nazi 12:45 am lawngah an kai ngah.

Palikpawl cun rapthlak thihnak a thlen hnu reilote ah mi 200 lenglo thusuhnak an nei cih. Asinan hi thihnak thlentu hi mipakhat lawng cangvaihnak a si an zum. James Eagan Holmes hi a meithal hi khawsung dawr ihsin a lei mi a siih cerek mum 6,000 lenglo a nei.

Mi 7 cu a hmun rori ah a kap that ih mi dang hliam an tuar ih a kiang naite sizung ah mi 10 lenglo an thi. James Eagan Holmes ih a kah thah mi pawl cu Jonathan Blunk, aged 26; Alexander J. Boik, 18; Jesse Childress, 29; Gordon Cowden, 51; Jessica Ghawi, 24; John Larimer, 27; Matt McQuinn, 27; Micayla Medek, 23; Veronica Moser-Sullivan, 6; Alex Sullivan, 27; Alexander C. Teves, 24; le Rebecca Wingo, 32 pawl an si.

James Eagan Holmes

James Eagan Holmes hi December 13, 1987 ah a suak. San Diego, California ah a thang lian. Tlawngta felzet a si. University of California ah 2006 ihsin 2010 tlawng zirsuak a si.Tui kum ihsin Ph.D. a zir thok. Asinan, mark a hmu tha lo thu a zirnak ih thuneitupawl cun an sim. President Barack Obama cun hi thihnak rapthlak a tuartu le sizung ih a umtupawl vehvaihnak a nei. US president pawl sawmnak nei ih thusimnak pawl tla a langten an cawl lawk. Ahleicein  The Dark Knight Rises zuknung hi Paris, Mexico le Japan pawl ah zoh an sian nawn lo phah. Tuini ah James Eagan Holmes hi court ah dinpi a si.

(Visited 93 times, 1 visits today)

Comments

comments

One Comment

  1. Ui … Ui … Ui …… poi dan cu !!!!!

Comments

%d bloggers like this: