Tuukhal Tahfung

Veikhatah thuanthu simmi pakhatte ka rak ngai.  Mi pakhat in Tuu zakhat a nei ih pakhat a hlo ih a dang 99 tan in a hlomi tuu a hawl ih amah khal a hlo cih ta a ti. A va poi ve tete setset in.

Pastor timi cu tuukhal tinak a si ti cu kan thei cio ding. Tulaisan ahcun tuukhaltu kha a tuu in an khal an ti lala
aw hrilhro in. Khalhmi tuu hlanih hloh pang a olte tinak  a si pei maw? Veikhat cu tuu pawlin anmah khaltu an
hawl ciamco an ti aw lala in, cukel ih thu.

Tahfung
1. Tuu khaltu si dingah cun Pathian ih kawhnak cotu taktak si thei sehla
2. Leitlun lam Degree hnakin Thlarau lam Degree hmaisa sehla
3. Kei hi Pathian ih fialmi taktak ka si maw si lo ti fiang aw sehla
4. Tuu ih khalhmi si loin Tuukhaltu taktak si thei sehla
5. Tuukhal cu inn ih khalh hnakin hramlak ih khalh a si deuh theu  to hiahhiah men cun tuukhalh a ngah deuh lo tinak a si ding.
6. Tuukhaltu ih duhmi rawl hnakin Tuu ih duhmi rawl pek theitu si sehla  Tuu khal ko cingin tuu ih duhmi pe loih a khaltu ih duhmi lawnglawng barh pang a olte ding ka zum.
7. Tuukhal tha cun tuu ih natnak an thei ih an tuam hlawm.  Tuamhlawm lam hnakin tuu natter pang a ol te thei men.

Mipi lamin kan palh theumi
1.  Thlarau mitvang maw vang lo ti lam hnakin Degree thupi in kan ruat
2.  Thlarau ah in cawm thei ding maw ding lo ti hnakin kan phunpi a si  maw si lo tiah kan buai hmaisa
3.  Bible tlawng theh pohpoh hman, lak kan duh mai
4.  Milian, background tha a sile lak/ hman kan duh mai
5.  Thlarau mi/Pt. mi hnakin luhmuhzi thiam kan duh
6.  Thiamsang si in thlarau  lam mitvang hril thiam kan tul ding
7.  Kapkhat lawng thlir thiamtu hnakin kilkip thlir phah thiamtu

Tuukhal kan hrilsual tikah zo a na?
– Dawi dingah le dawi ngam nawn lo
– Hman pehzom dingahle buaithlak tuk
– Midang lak bet dingah an rem aw thei pei   maw ti buaipi lala.

A rahsuah
– Mipi an khawm paih nawn lo
– Thenhra thenkhat an pe duh nawn lo
– Thenawk duhnak a suakter
– Thansoh lam hnakin tumsuk lam a pan

(Visited 24 times, 1 visits today)

Comments

comments

Comments

%d bloggers like this: