Tuukhal Maksak

July 31
Tlawngkai Nihnih

Tuukhal Maksak

Bible Siar Ding: Ezekiel 34:11-16, 22-31

Kei cu tuukhal ttha ka si. Ka Pa in i thei ih kei khal in ka Pa cu ka theih vekin ka tuu pawl cu ka thei ih annih khal in in thei ve. – John 10:14

Jesuh cu aangki fualpi hrukin a ttaang sungah tuufanote cawimi zuk hi kawhhran tampi ih tualleng tlawng innkhan phar parah an taar tamzet ih mi tampi ih neelzetmi a si. Cumi cu nauhakte pawl in Jesuh cu duhdawt zaangfahnak thawn a khatmi tuukhal ttha a si zia le anmah Rundamtu ih an neih theinak dingah an thinlung cokthotu ah a cang.

Asinan kannih kum upa deuh pawl hrang ahcun nunneem le zawnruattu Pathian cu kan ttul daan thawn a mil aw nawn lo a bang men thei. Kan nunnak cu ttulsamnak in a khat deuhdeuh ih a harmi hlawhtlinnak ngah kan duh. Ziangtinso tuu note pawl zohkhen duhzettu tuukhal cun a hraangzetmi kan raal pawl cu in do sak thei ding ti’n?

Hiti vek khuaruahnak cun tuukhal ttha ih hnattuan hi ziang a si ti kan thei fiang lo ti a langter. A si, amah cu thinneem le mi zawnruat theizet a si ih a tuu pawl cu an hmin in a thei thluh. Asinan tuukhal ttha cu a cak khal a cakzet ih a ttul caan ahcun a hraangzet thei thotho. Amah cu a tuurual hrangah a hmaisabik ah ding tahrat in humhimtu a si ih siatsuah theitu raal phunzakip sungih humhimtu khal a si tthiamtthiam. David in tuu a khalhlai ah a tuu pawl humhim in kiosa le vom pawl a that (1 Sam. 17:37), ih tuukhal cu mi raalhrut si a theih lo zia a langfiangter.

Yahweh Robi, Bawipa ka Tuukhal (The Lord my Shepherd) cu ziangkim in cawm zohtu le in humhimtu a cak Pathian a si. Amah cun kanmah hnakin kan raal pawl a thei. In humhim ih kan tlukbah tikah in kaitho. Amah lawng hi kan ttulmi umsun bawmtu a si, ziangtluk ih kum upa le tar zo kan va si hmanah!

Yahweh Robi, ka Tuukhal, Nangmah ttul lo ding khop in ka pitlin thei dah lo ding ruangah Na parah ka lungawi.

I kilvengtu ka Tuukhal naih sinsin ding ai ah ziangtivek caan ah si keimai’ duhmi lamzin hril in ka feh sawn?

@ Ava Pennington

(Visited 17 times, 1 visits today)

Comments

comments

Comments

%d bloggers like this: