Tuu

August 1
Tlawngkai Nithum

Tuu

Bible Siar Ding: Saam 100

Kan zate in a hlomi tuu bangin kan vakvai, kan duhnak zin ciar a kan feh. Asinain Bawipa in cawhkuannak cu a parah a thlenter, kan tuar dingmi kan tuarman cawhkuannak cu! – Isaiah 53:6

Rannung pakhatkhat thawn minung kan nunnak hi vun tahtthim ding tibang sehla tuu ngelcel hi kan hril pei maw? Tuu pawl cu bawmtu nei lo, ttihnung le lungruhzet an si. Annih cun anmah khaltu tuukhal kha ei ding rawl ngah theinak dingah an hngauhsan rori si ko, ih anmah siatsuah theitu raal cu anmah te kham le do thei an si lo.

Pathian in tuu thawn in tahtthim duhnak san hi ahleice in tuu pawl hi mahte hloral an hman ruangah si ding. Kannih cu Yahweh Robi in zianghman sammi um lo hram hring umnak in khalhnak hmun rori ihsin tlan hlo kan si ih hrampi hring sawn umnak kanmahte kan hawl. Humhimnak tuu-rual lakin kan suak, kan thlarau siatsuah theitu raal pawl ih bum le thlem ol dingin a peu in kan nung.

Tuukhaltu hnenih kan kir saal theinak ding cu kan ruah baan tawk le a man kan pek theimi lakih mankhungbik a si. Pathian in kanmai’ ai-awh in a man a pek – Amai’ Fapa Neihsun a man a pek – A tuu-rual lakih kan thlen saal theinak dingah!

A tuu-rual lak ihsin kan suah caan hmanah, Yahweh Robi cun nun in sim, tuukhal in a kianghrol hmangin lungruh tuu pawl a koih kir saal bangin. Amah kan naih saal theinak dingah kan parah harsatnak thlenter khal in siang, tuukhal in vaksuak tammi tuu ih ke kha a kianghrol ih a vuak bangin. Cucing cun tuukhal cun hliamhma tuarmi tuu pawl cu amah thawn naih te’n a umter ih tthazet in a tuamhlawm.

Yahweh Robi ih duhdawtnak au-aw cun ramhlapi ih um hramhring ih bumnak le leemnak au-aw hnakin kan hna sungah thlum sawn in in hruai a si.

Yahweh Robi, ka Tuukhal ih aw hnakin hih leilung ih bumnak aanka neem ka ngai sawn pang ttheu ti ka sualnak ka phuang a si.

Tuni ah ziangti’n so ka Tuukhal ih aw cu naihsin ih ka ngai ngah thei ding?

@ Ava Pennington

(Visited 24 times, 1 visits today)

Comments

comments

Comments

%d bloggers like this: