Turkish Delight

February 7

Zarhte Ni

 

Turkish Delight

 

Siar:

Johan 21:15-19

 

Na Daan sung lawng ah lungawinak ka nei. – Saam 119:174

 

Kumkhat sung Baibal:

          Puithiam 1-3

          Matthai 24:1-28

 

C.S. Lewis ih cabu The Lion, the Witch and the Wardrobe timi sungah White Witch ih theih duhmi cu Edmund in a faate pawl ziangti’n a phatsan hngai thei ding, ti a si. Thusuhnak ol tete a sut hnu ah White Witch in Edmund ih ttonttaihnak zawn cu Turkish Delight timi muthai duhtuknak a si ti a thei ngah. Curuangah Edmund cu a duhmi muthai thawbik a pek. Cuticun Edmund cu muthai a tam thei tawk ei ding lawng a ruat ih a ei tam deuh le khop thei loin a duh sinsin.

 

Edmund ih ttonttaih vekin kannih khal Satan ih in hmang dingah ttonttaihnak zawn kan nei ciar. Cumi cu sii bang ih cuai thei, zuu bang ih rit thei, mi siatsuah thei bang lemlomi ei-in le rualpi tivek an si.

 

A thawh saal hnu ah Jesuh in Peter hnenah bukpak thu theih duhmi a sut, “Johan fapa Simon, hi pawl ih in duhdawt hnakin nang in in duh sawn maw? (John 21:15) a ti. Mi tampi in hipawl timi ttongfang ih tiduhsannak a phunphun in an pol ciar. Asinain kan theih ttul sawnmi cu Jesuh hnakin duh sawnmi ziang kan nei ti hi sut aw ding kan si.

 

Satan in Pathian hnakin kan duh sawnmi a thei tikah ziangti’n in uk ding ti a thei. Asinain, Pathian sungah kan lungawi asile satan cu kan tlun ih a thiltitheinak huham a sung a si.

 

I duhdawt hmiasa ruangah Nangmah ka lo duh,

Ka hrang sualthlah ngaidamnak thinglamtah thihnak in na lei;

Hling lukhuh na khum ruangah ka lo duh,

Ka lo duh ringring tuni tiang, ka Bawipa Jesuh.

 

Pathian in in duhdawt, ziangtin so

Amah duhdawt loin kan um thei ding.

(Visited 28 times, 1 visits today)

Comments

comments

Comments

%d bloggers like this: