Turkey in ISIS Pawl Bomb A Thlak Ve Ta

protests-turkey-bomb-deaths-Theicia zo vekin tuzarh tlawngkai ni khatih  ISIS pawlin Turkey ramsungih thihcilh bomb an puah ruangih minung tamzet an thih ih hleiah  tuizarh tlawngkai nili ih Turkey ralbawi an kahthat lehsal ruangah Turkey Cozah cu ISIS pawlih parah a thin a hengzet ve thlangih, Turkey  Air force pawlcun raldo nak vanzam F-16 pathum hmangin ISIS pawlcu tihni zan ihsin bomb an thlak ciamco ve thlang ta. Relzo vekin tuihlan ah cun Turkey Cozah hin ISIS pawl donak ah hin tha a thawhduh dahlo ih  a telduhlo timen lawng silo in, ISIS pawl donak dingih an ramsung um hmun khuar nak dingih hman khal a rak sing dahlo tu a siih, Asinan ISIS pawlih an mah an siatsuah ruangah tuah cun an ramsung ih vanzam tumnak hmun  khal ISIS pawl donak ah US leh a thurualpi pawlin an hmanng thei thlang ding.

Tihni zan ah khan Turkey  vanzam ralkap pawlcun  an raldo nak vanzam F-16 pathuam  cu bomb tamzet phurin an ram saklam Diyarbakir khawipi  ihsin an zuangsuakih, Syria ram sungih ISIS pawlih Position camp cu an target  bat in F-16 vanzam pathum hin  guided bomb pali in  ISIS pawlin umnak hi an vakap, Asinan Turkey vanzam hi Syria  ramsungih air Base cu an lutlo ih  Turkey ramsung border  van boruak ihsin an kapsuak, Hi Turkey  vanzam F-16 pathum hin ISIS pawlih HeadQuarter 2 an kapsiat ih an ralthuam ret nak leh ralkap 36 an kapthat ih himi ih hleiah Turkey Cozah cun Syria thawi an ramri tluanah  ralkap leh raldo nak Tank leh ralthuam tamzet a kuatcih, Asinan Turkey Cozah hin ISIS pawl donak ah US leh a thurualpi pawlhi a kom ke maw ticu theih nak  um hrih lo.

Relzo vekin Turkey hin tuihlan ah cun ISIS pawl donak ah US leh a thurualpi pawlih um hmun khuar nak dingah an ram hi an rak siang dahlo ih, Asinan tuizarh talwngkai ni nga ihsin khan  ISIS pawl donak dingih  um hmun khuaar nakih US leh a thurualpi pawlih hman  a sian thu a puan ihsin   US  raldo nak Vanzam pawlcu Turkey ram Syria thawi an ramri Incirlik Air Base ih tum dingin an tiantuah aw supso cih ih a hmais ah cun US raldo nak vanzam Drone Mission an hmang hmaisa dingih Vansang parih vanzam ti petrol thunsak tuding refueling aircraff khal a tel cihding. Turkey in ISIS pawl donak dingih  an ramsung hman an sian sal ruangah US hrangah a awlsan phah zet dingih tuihlan ih  Gulf ihsi tipi thuamthun parih lawng tumpi Aircraff Carrier parih si zuansuak ih ral va kah ih kirsal hnakin tucun an target khal a nai zet thlang dingih an hrang   a awlsam dinggah ruah a si.

Pu Sum | Surbung Tlang Thuthang

Comments

comments

Comments

%d bloggers like this: