Turkey Bishop Thattu Kum 15 Thawngtla Ding

dwANKARA (Asia News): June 3, 2010 ih Turkey Bishop Mgr Luigi Padovese thattu, kum 29 mi Murat Altun cu, thuthennak zung in kum 15 sung thawngtla ding in a tlunthu relsak asi ih, nuntha ih a um asi ah cun kum 6 le thla 5 ah suah theih asi ti in thuthennak zung cun a puang.

Mi a thah lai ah Murat Altun hi kum 26 mi asi ih, an kaih ihsin tutiang thawngah kum 3 tluk a um zo asi. A tlunthu an relthluhsak hnu ah Murat cun, “Mgr Luigi ka thahnak par ah ka siraw ngaingai asi. A poi mi cu, ka thah zawngah khan a thalo ti ka thei nan, keimah le keimah ka control aw thei nawnlo asi” ti in asi.

Turkey Pastor That Tumtu Kai

ANKARA, TURKEY (Worthy News)—Turkey ram sung ah, Izmit Protestant Church ih an pastor Emre Karaali cu, mi thenkhat in thah an tum thu theih asi ih, cumi thuthawn pehpar ih an rinhlehmi mi 14 pawl cu an kaih thu Barnaba Aid cun an sim. January sung ih Evangelical meeting an neih nak ah, hi pastor hi zo ti theihlo pawl in that tum in an bei ih, vanthatnak ah a luat thei. Cumi an kaihmi lak ih 2 pawl cu, Pastor ih kawhhran Izmit ah khawmaw ringring in, pastor le a nupi nelzet ih komtu an si ti theihsuah an si. Zo in, ziangruangah thah an tum ti cu zingzoi rero lai tak asi.

Comments

comments

Comments

%d bloggers like this: