Tumtahnak Phundang

September 17

Tlawngkai Ninga 

Tumtahnak Phundang 

Siar:

1 Korin. 1:18-31 

Mifim pawl ningzakter dingah leilung ih mi-aa timi kha Pathian in a hril hrim a si.    – 1 Korin. 1:27 

Kumkhat Sung Baibal:

–   Thufim 27-29

–     2 Korin. 10 

Golf lek thiam Byron Nelson cu 1945 ah ruah baan lomi caan ttha a ngah. Vei 30 a lek ih vei 18 a neh. A duh asile a leh pehzom vingvo ahcun mi hminthangbik pakhat ah a hung cang thei. Asinan cumi cu a tumtahmi a si lo. A tumtahmi cu caw zuatnak Lo kauzet leinak ding daih golf lek in paisa a hawl hnu ah a tuah duh ngaingaimi thil tuahnak ah a nun sung caan lungkim te’n hman ding a si. Curuangah a golf leh cu pehzom nawn loin a kum 34 ah a cawl ih Lo kauzet neitu ah a cang. Tumtahnak phundang a neih ruangah a si.     

Leitlun mi pawl cun cuvek thil cu aat-hna an ti men ding. Leilung cun lennak le hminthannak lan in lungkimnak le diriamnak taktak a hawlmi thinlung cu a theithiam thei lo. Khirh hrangih nung dingah hril a ttul caan ah hih thu cu a dik ttheu. Kan Bawipa ih a danglammi hmuitin a tthabik in kan langter tikah leilung cun mi-aa ah in ruat men ding. 

Paul in, “Mifim pawl ningzahter dingah leilung ih mi-aa timi kha Pathian in a hril hrim a si. Micak le thiltithei pawl ningzahter dingah leilung ih mi ttawnttai timi kha Pathian in a hril hrim a si” (1 Korin. 1:27) a ti.     

Vancung uknak thawn a tlakmi pek awknak nun cu leilung mit-hmuh ahcun aat hna a si. Sihmanseh cumi in Pathian kha upatnak a coter thei.   – Bill Crowder 

            Thutthen ni ah Jesuh in ziang a ti ding?

            Nunnak ih man a fiangter pei maw;

            Kan lian maw kan farah, ti a langter ding,

Leitlun ih kan duhbikmi kan kaih daan ih zirin.  – D. De Haan 

Pathian ih man a langter lo ahcun

leilung ih a thupibiknak zawn cu man a nei lo.

 

(Visited 27 times, 1 visits today)

Comments

comments

Comments

%d bloggers like this: