Tumtahnak Bangrep

March 12

TlawngKai Ninga

Tumtahnak Bangrep

Siar:

1 Korin. 1:10-17

Ka u le ka nau tla, nan lakih tthenttheknak a um lonak dingah nan thinlung rual aw tein um hram uh tiah kan Bawipa Jesuh Khrih hmin in ka lo dil a si. Rualremzet in, thinlung khat le tumtahnak bangrep in um uh.   – 1 Korin. 1:10

Kumkhat Sung Baibal:

–   Daanpeksaalnak 17-19

–   Marka 13:1-20

US ram ah sumbuh vate ttial pawl an hlo vingvo. Ziangruangah ti an zingzoi tikah an hmuhmi cu anmah vek sumbuh vate dang ruangah a si thei ding an ti. Mississippi khua Nisuahnaklam ram ih tamzet a ummi sumbuh vate phunkhat hi kan dunglam kum 15 sungah Nitlaknaklam ram ah an ra vai ciamco. Mi nekrawk a hmangzetmi cuih sumbuh vate phunkhat pawl cun cuih a rak um ciami sumbuh vate ttial pawl ih eimi rawl cu an ei ve ih an rawl an long.

Cuvek in thlaraulam thu ih hmuh awk thiam lonak khal hi kawhhran leng ihsin a ra lo. Hivek in Korinth kawhhran ah hmuh awk thiam lonak a um. Paul in napi’n thu a sim. Hivek thu hin kawhhran pumkhat sinak a siatter. Paul in Korinth mi pawl hnenah thil fate thu ruangah tthentthek aw hlah uh, thil thupi ah pumkhat in um uh tiah tha a pek. Paul duhtu, Apollos duhtu, Peter duhtu le Khrih duhtu ti’n an um ih thu an el aw rero. Khrih sungah pumkhat si ding hnakin an uarmi hruaitu kha thupi ah ret in man an neihter sawn ruangah an tthentthek aw.

Kawhhran pumkhat si theinak ding hrangah thil thupizet Paul ih a simmi cu “Thuthangttha phuansuahnak” hi a si. Cuih thu cu tuih san kannih tla pumkhat kan si theinak ding thu si ve hram seh.

Bawipa, kan kawhhran hi in thluasuah hram aw,

Zaangfah kan lo dil a si;

Hmun khat tei’ hna kan ttuan tlang theinak ding,

Pumkhat sinak dik thawn.

Pumkhat a si theimi kawhhran cu kawhhran cak a si.

(Visited 36 times, 1 visits today)

Comments

comments

Comments

%d bloggers like this: