Tuluk ram Tlawngta pawl meithal in kil an tul

Earth Report netabik

Leilung ziangtin a cang zo ih, a cang rero lai ih, ziangtin a cang lai ding timi pawl hi tulai leitlun mithiam pawlin thinbangzet ih an buaipibik cu a si thlang. Ahlan kum 10,000 le tuni ih thil thleng zo pawl tahthim in kan leitlungpi cun siatnak phunkim a tong vivo ih, hih hnakih nasa sawn khal a tong thei ding tiah 2008 ih Geophysical Research timi cabu ngantu Carolina Pagli cun (University of Leeds) cun tulai leilung um daan cu ‘ih thah khal a thaw nawn lo’ ti’n media ah a rel. London Telegraph ih interview a tuahnak ah Pagli cun 2010 kum sungah thla tin leilung sunglam cu khuitawk khalah a cang (swaying) rero ih, leilung sungril ah a ziamral saal theu.

Cucu 1950 hlan ih um dah keel lomi a si” tiah a ti. Kan dung zarh sungah Taipei (Taiwan) thlanglam tipi kap tiang linghnin nasazet a thleng ih, milai umnak cu a thleng ban lo; cun, Indonesia ram Maluku ah siseh, US ram Ohio le Texas ah siseh, California le Maxico ramri tluan ah linghnin a ra thleng thei ringring ih, Australia saklam tipi thuanthum hnuailam ihsin Philippine ram kiangkap tikulh fate hmuahhmuah cu ‘hmun him lo’ (unsafe zone) a si thlang tiah a ti. – dpa

Tuluk ram Tlawngta pawl meithal in kil an tul

March le Aprl thla sungih Tuluk ram sung tlawngta pawl hmuhtonmi pawl ruangah acozah cun kan dung May 03, 2010 ah ‘daan’ thar a tuah riai. Acozah cun palik pawl cu tlawngta pawl umnak (hostel), feh suksonak le tlawnginn hmuahhmuah cu kilhim dingin tuanvo a pe ih, a tul daan ih zirin tlawngta pawl hnaihok tumtu cu meithal ih kap that lohli ding tiangin thuneihnak a pe.

Tlawngta pawlih harsatnak cu Chongqing khawpi (mi 30,000,000 umnak) ihsin Tuluk ram rorelnak sangbik ah a ra thleng ih, cucu palik hotu pawl khalin an theihpi rero mi harsatnak a si tiah media thuthang cun a sim. Palik hotu le tlawnginn ih tuanvo neitu pawlih simrelnak ahcun, kan dung April 30, 2010 ah (Shandong province ah) pacang pakhat cun sobul (hammer) thawn tlawngta (5) cu nasazet in a thawi ih, tlawng saya pakhat khal thi zikte in a thawi. Cuih hnu ah amah le amah cu meisa in a ur aw.

April thla sung thotho ah, Taixing khua ah tlangval pakhat cun a hnatuan remcang thei lo ruangah tlawngta nauhak (27) le tlawngta pawl hmuaktu kum upa zo (3) cu nasazet in a thawi hai. Cupa cun naam (knife) pahnih lai a ken ruangah zohman in an kham ngam lo. Himi zarh sung ahhin Guangdong province ah tlawng saya pakhat cun ziang thu khal rel loin tlawngta nauhak (15) cu nasazet in a thawi ih, saya pakhat cu naam in a dawt that bet. March thla ah siibawi (doctor) pakhat cun a falanu thawn thubuai an neih ruangah tlawngta nauhak (8) lai a that ih, mi (5) cu hliamhma nasazet a put ter. – dpa

(Visited 50 times, 1 visits today)

Comments

comments

Comments

%d bloggers like this: