Tuluk ram in ralkap pawl ralrinter

Vei (2) rori US le S.Korea pawlin ralkap thilri thawn trainning an tuah ruangah Tuluk acozah cun kan dung thla ih ‘ralkap pawl meithal le cerek ngaingai thawn trainning a pek sal’ cu duh tawk loin kan dung tlawngkai nithum ihsin zarhte ni tiang’ trainning a pe sal. Tuluk acozah cun US le S.Korea ralkap pawl thil tuahmi cu a duh lozet ih, ‘Asia ram ih buainak suahter theitu’ tiah a puhmawh. Asinan, US le S.Korea cun ‘Ral donak ding si loin, ram sung kilhimnak ding’ tiah an ti. Tuluk acozah cun ‘Yellow Sea’ kiangkap hrawng ih US Navy longpi a feh sukso cu ‘buaipi tlak ngaingai le zoh men thei lo a si’ tiah Admiral Yang Yi cun a sim. Asinan Eroupean Union le ram dangdang cun March thla ih S.Korea ralkap long siatsuah thuhla ah N.Korea cu nasazet in an sawisel ruangah US thil tuahmi cu ‘pawi an ti loh thu’ an sim. Culaifang ahcun Tuluk prime ministe Wen Jiabao cu N.Korea a tlawng ih, an biak awknak duh tawk loin N.Korea hotu Kim Jong iL cu Tuluk ram ah tlawn a tum sal. Tuluk ram cun ralkap pawl meithal le cerek ngaingai (live ammunition) thawn trainning a pekmi cu ‘Kumtin a tuah theu mi a si’ tiah thuphan a per bet.

(Visited 39 times, 1 visits today)

Comments

comments

Comments

%d bloggers like this: