Tuluk Ram Hotu Kawlram Ah Tlawng Ding

Tuluk ram hotu Kawlram ah tlawng ding

Tuluk ram prime minister (vice president tluk) Wen Jiabao cu hmai thla June 02, 2010 ah Kawlram a tlawng ding ti a si. Wen Jiabao hi Tuluk ram aiawh ih leitlun hmunkip tlawng rero tu a si ih, tui’ tum ih a khual tlawnnak ding khal Mongolia, South Korea le Japan a feh hnu ah Kawlram a tlawng lut thei tiah kan dung May 23, 2010 ah AP thuthang cun a ngan. Kawlram hril awknak ding thu thawn pehpar in Tuluk ram cun hminsiatnak phunkim a rak tuar ih, Kawlram thawn a kilkip ih pursumleilawnnak tuahtu a si ruangah Wen Jiabao cun ‘Senoir General Than Shwe le prime minister Thein Sein cu a tong ding ti a si. (Zuk: Wen Jiabao)

Kawlram le Tuluk ramri hi peng 1,370 (miles) lai a si ih, 2009 kum sung ah Kawlram in Tuluk ram thawn pursum hawlnak a tuahnak ihsin US$ 1.8 billion lai a ngah ti a si. Tuluk ram hi Kawlram hrang ahcun thilri zuar tamnakbik (3) nak a si ih, Thailand le Singapore cu (1) nak le (2) nak an si. Wen Jiabao hin Kawlram a tlawn ahcun ni (2) a um ding ti a si.

(Visited 31 times, 1 visits today)

Comments

comments

Comments

%d bloggers like this: