Tuluk Acozah Thar Thu Lawrkhawm

Xi Jinping Ih Tuluk Acozah Thar

Nov 16, 2012

Xi Jinping hi atufang ih Tuluk President thar a si. Xi Jinping hi Tlawngkai Nilini, 15.11.12, ah Tuluk rampi ih aana, power, neibik ah a cang. A hnakaihmi cu Communist Party (rampi party) ih General Secretary le Central Military Commission (ralkap bawibik) pawl an si.

Cuih hna cu Hu Jintao hnen ihsin a laakmi a si. Hu Jintao hi 2002 ihsin president a ṭuan zo ih atu ahcun a cawl ding. Xi Jinping hi atu rori ah hnaṭuan kai le lak cih ding siloin hmaikum March 2013 ihsin kai thok ding a si. Cutik lawngah Hu Jintao in a hnatuan a ap ding.

Hu Jintao cun Xi Jinping hnenah hnaṭuan a ap ṭheh veten cawl huahhi a duh. Xi Jinping hi huham a nei ih mi neh thei zet a si ih, amah cun thil harsa zetzet, sipuazilam, ei-ruknak le Tibetan pawlih tuarnak ṭahaw thawm, Japan thawn tikulh pawl ruangah elawknak thubuai harsa zet pawl le US thawn ralṭhuam lam zawng (hriamhrei le ralṭhuam, le rallam zawngih huham) zuamawknak pawl cu a hmaton dingih a ṭhabik in a tuahsuak ding.

Xi Jinping hi kum 59 a si ih, a  team thar hin Standing Committee of Political Bureau cu member pakua ihsin pasarih ah ṭhum in huham nei zetin an dingsuak ih thuthang latu pawl thawn tonawknak picang zetin an nei thei. Cutawk ih thu a simmi ah Marx asilole Mao (politic thawn a pehparmi theory  phunkhat a si) tivek pawl telh loin, le acozah ṭongka phunphun pawl hmang ciamco loin, nitin thilcangmi parih a ṭhumawmi hnaṭuannak le inn le lo thuhla pawl lawng hi a thupi in a sim. “Party-pi in thil harsa zetzet pawl kan hmaton rero. Asinan santhuanthu le mipi thawn a rem-awmi si dingin kan ṭuan ding tiin ruahsannak kan nei,” ti’n thil harsa ihsin nuamdai te-ah cang dingin a sim.

Comments

comments

Comments

%d bloggers like this: