Tulai Obama cangvaih daan

U.S. President thlanthlin Barack Obama cun a atanpi Hillary Rodham Clinton cu Secretary of state tuan dingin a lungkim ih Robert Gates khal Defence secretary ih tanglan dingin a simthei. Cun General James Jones khal Secretary of Homeland security si dingin a ret.

American ram hruaitu pawl hrangah hna tuan thar tuan a cu ih 21 century sungih hnattuan thehthei thluh ding khal in caan a her zo a si” tin Obama in a rel. Asim vivo ih “Kan ral pawl nehding in kan ti cakaw dingih kan rualpi pawl kan bawm sinsin ding.

Kan tanpi hlun pawl kan cawk thosal hnu ah rualpi tha ah ka tuah ding” a ti bet. Na sa zetih mipi pawlih Obama an auh lai caan khal ah Obama cun a rualpi Hillary a hngilh theilo. Mr. Obama cun “Hillary Clinton cu a fim ih harsatnak khal a tuar thei ih hlei ah a cangdaan, hawiher le thianhlimnak lam ah rinsan tlak mi a si” a ti.

Cuti ih mipi tampi hmai ih a rinsannak thudik a relmi cu Hillary hna ah a lut ve nasa ih Hillary cun Obama lam hawi tahratin “Na hna tuanmi pawl bawm thei dingih ka um hi ka lungawi ih mivantha khal ka ti aw ih ka uar aw zet. Curuangah Pathian in lo thlasuah aw sehla kan rampi khal Pathian cun malsawm seh a ti.

Mitampi cun Obama hi mi dum a si fawnih a duhaw tuk ding, a cang daan a mawilo leh ding ti’h a rak thlirtu khal an bolo. Cuvek karlakah Obama cun nasa zetin ram mipi thansonak ding ruat in a lu a dawm rero. U.S. President thar Obama cun 2011 ahcun 2.5 Million hnatuan ding a um ding tin a phuang.

A hleicein Lamzin, lilawn, tlawnginn le mawtaw tha tvp tuah ding in tumtahnak a nei. “Tuini ihsi thawk in nasazet le raltha zetih hna kan tuanlo ahcun hna kum tuvek ahcun hna tuan dingmi million lai cu kan hloral ter men ding a si” a ti bet. Thleng danglam a duhtu Obama cun miharsa rethei anhai pawl le US a liannak a theilotu pawl khalin a caan a kim ahcun an thei ding a ti bet.

(Visited 79 times, 1 visits today)

Comments

comments

Tags:

Comments

%d bloggers like this: