Tulai Leitlun Mihminthang 4 Pawl ih Virvat Daan

Tulai leitlun mihminthang mi 4 pawlih an zingpit caan hman daan a tlangpi thu in a hnuai ah tarlang a si. Annih pawl hi leitlun ah liannak zawng khalih theih ban an si nan zingpit thawh hi an ngai thupi  ih mivirvat emem khal an si. Cuihlei ah an caan hman daan pawl hi zohthimtlak ngaingai an si.

US President Obama

Obama-Hand-to-Ear

Obama hi tlaipi tiang a it ve dah lo. Nazi 6:45 a.m. rori ah a tho ringring tiah sleppypeople.com ah an tarlang. Zing a thawh veten thlacamnak a neih hnu ah, a taksa harhdamnak hrangah gym ah zingtin a feh ih cumi theh hnu ah thaithawh ei dingin a nupi Michelle le a fanu pahnih Malia le Sasha te pawl thawn an tongaw khawm ih, cutin an fanu pahnih tlang an thlah theu.

A fale te tlawng a thlah thluh hnu ah a thupi zetmi a hnatuan pawl a thok theu. Office a kai hlan ah a innsangnu cu mawi zetin a hnam ta theu.

Facebook Siamsuahtu Mark Zuckerberg

mark-zuckerberg1111

Kan Facebook hi kum 31 a kim zo. Kan theih cio bangin a nih cu T-shirt te thawn a um ringring. Milian pa, mifarah bangih um tiah an sawisel theu. Facebook tuahtu khal a si ih it mal tak a si. Zaanvaar rori a Facebok hntuan pawl a biak caan tla a um. Anih hi reipi a it dah lemlo tiah theih a si.

Cucing in, zinglam nazi 6 rori ah a tho thei ringring. Cutin, taksa harhdamnak hrang a taksa pawl cangvaihnak a tuah hnu ah a Facebook hnatuantu pawl thawn tongaw dingin a office a kai ve theu. Simple tukih nupi nei, simple zetih a nung mi pa hin leitlun cu a hnin ter ringring thotho a si hi!

Leitlun Milianbik Pakhat Bill Gates

20130718-bill-gates-624x420-1374261123

Leitlun milianbik pakhat si ruangah tlaipi tiang a it men lo. Zingpit ah a tho ih anih cu a thinlung le a taksa a pahnih kop hrangah exercise a la theu. YouTube ah a cangvaih daan ding pawl a zoh theu.

Anih hi harhdamnak lam uar emem a si ih duhsahte in a taksa harhdamnak hrang caan a hman hnu ah leitlun ih a company dangdang pawl kilveng dingah office a feh ve theu.

British Prime Minister David Cameron

david_cameron_0

Zing tak nazi 6:00 rori ah a tho ve. Anih ih a danglamnak cu zingpit ah TV a zoh dah hrimhrim lo. A fanau khal zingpit ah TV a zoh ter dah lo. Zingpit cu thlifim hip caan a ti ih nazi 8:00 tiang zinghman hna thupi tuan lo in a harhdamnak hrangah a taksa pawl a cangvai ter.

Cule Cameron hi news siar zuam emem mi a si. Zingpit a tlan ciamco theh ah a to dingih cutin nuam tete in tulai thuthang pawl a siar ciamco theu.

Comments

comments

Comments

%d bloggers like this: