Tulai Leitlun Lehpannak Lam

Meifar

Tulai futbawl: Premier league:

Kan dungzarh EPL cu nasazetin thlengawknak a um. Leitlun zuamawknak ah Premier League in fan a ngahbik ih zoh an nuambik ti cu a fiang nasa. Ziangahtile hminthang Man U le Chelsea khal team fatezetin an neh. Team fate kan timipawl khal team hminthang in an nuai ciamco thei lo khi an zoh nawmnakbik a si. Norwich cun Man U cu 1-0 in an neh ih Westbrom in Chelsea cu 2-1 thotho in an neh. Asinan Man City cun Villa cu 5-0 rorin an sawp ih Arsenal khal in mi pahra lawng Hotspur cu 5-2 in an sawp neknek ve. Liverpool khal in nehnak a co ve.

Curuangah  City cu an sangbik ih man U in  dawt.  La Liga ah cun Bacca le Real in an tum mi veve an neh. Kawl 3 sungah Messi in kawl 2 a thun nan Real ih kawl 5 sungah Ronaldo in a thun ve lo. La Liga hi hminthang tamzetnak a sinan Bacca le Real lawng an si ih a dang club cu annih pahnih ruah cun an fate zet.

An League zate lektu zate man le Real le Bacca ih lektu pakhat man an bangaw ti theih a si. Cutluk in an tlauawk ruangah mipi hi club pahnih tawnawk lo ahcun a zohtu an um tuk lem lo. Italy Serie A cu makzetin hminthang deuhpawl hmuahhmuah an draw-aw thluh. Juvi, Inter, AC le Napoli pawl in tui zarh cu point khat ciar lawng an ngah.

Torres khal ka hmang lo mei ding:

Chelsea Manager Di Matteo cun kawl thun thei dah lo Torres cu kan club tthatnak a si ahcun ka hmang nawn lo ding a ti. Torres hi vei 6 sitah kawl 1 lawng a thun ih an manager a beidawng deuh thlang a si. Asinan sawn hi an dawi men thei ti thuthang a um nasa. Premier league tum 4 ah point 2 lawng a hmu ih champion league khal ah an umhmun a hnget cuang lo. A aiah Bacca manager hlun Guediola hman an dawr zo ti thuthang a um.

ATP World Tour :

ATP world tour ah wolrd No. 1 Djokivic cun  No. 2 Federer cu a neh ih kum 2012 cu nehnak thawn a thlah a si. Hi tumah Djokovic in 7-6 ( 8/6) 7-5 in a neh fangfang ti theih a si. Federer hi kum upazet a si zo nan a thiam nasa lai. A lekdanah cun mark a la tamin a lek mawi zet nan a ttul loih tisual pang mi a ngah tamtuk ruangah a cahlonak bik a si. ATP Wolrd Tour hi England khawpi London ah neih a si ih leitlun ih tennis thiam deuhpawl lawng tel theinak a si.

Leitlun ih zohtu tambik: Leitlun bawhlung khawvel ih zohtu tambik( mipi tambik) hi Germany Club a si. Ziang vek club fate an sit khal asile mipi an khat mermer ringring. Mipi lamih sumlut tambik le TV lamih sumpai lut tambik khal an si. Germany hin bawhlung hi an atcilh a si bik. Tohkham lawng hi a um dah tuk lo titheih a si.

Comments

comments

Comments

%d bloggers like this: