Tulai Leitlun Laamhla Larbik Gangnam Style Rak Thlir Duak

Gangnam Style laam le hlasak hi ka theihnak le ka hmuhnak a rak rei zet zo nan, leitlun ram 13 lenglo ah a runglaar ding timi cu ka rak ruat ban ngelcel lo. Cun, ram hruaitu le ram uktu pawl ih rak laam pi ve nak ding awm khalah ka ruat fawn lo. Asinan, tulai leitlun herdanglam hin minung lungduhzawng le hmuh duhzawng a herh danglam tikah mino tamsawn ih duhzawng laamhla ah a rung cangsuak ta!

Gangnam Style hi Korean rapper Psy ih sak mi a si. July 15, 2012 ah tlangzarhnak a rak nei. A hmaisabik ah South Korea ram ah a rak laar thok. Cutin, October 17, 2012 ah a zuknung zohtu million 480 an kim.

Cutin, leitlun zuknung zohbikmi 8 nak zarh reilote sungah a thleng cih. Gangnam Style laamhla hi sumdawng milian le leitlun ram hruaitu British Prime Minister David Cameron, Google’s executive chairmanEric Schmidt, American business magnate Mark Cuban le Inri Christo pawl khalin an duh ih an laam ve.

UN Secretary General Ban Ki-Moon phei cun “force for world peace” tiah a simfiang hngehnge. Cutin, September 20, 2012 ahcun Guinness World Records pawl cun Youtube ih hla duhbik miangmo tiah hminsinnak an tuah cih.  Hilam hi Gangnam District pawl ih nunphung le umdaan pawl a langternak le rangcang to laam tikhalih kawh theih a si. Psy cu himi hla hmangin sumpai a lalut nasa ih hleiah ram dangdang ah fehsuak in show nak a nei vivo.

(Visited 158 times, 1 visits today)

Comments

comments

2 Comments

  1. Ziang ruang ah CT hi zarhkhat vei khat tel na tuah thei lo, CT hnak ih siar nuam ka thei lo, zangfah nak ten zarhkhat veikhat tel regular in suah tum hnik uh law.
    Kan Falam Chin mi hrang ah knowledge tampi a theikau ter in ka hmu tlat

  2. A va tha dutdo em.

Comments

%d bloggers like this: