Tulai Leitlun Hnin Tertu

Tulai leitlun thuthangca ngantupawl ih buaipibikmi cu Wikileaks rak tuahsuaktu Julian Assange 41 a si. Julian Assange hi Sweden nu duhlocingih sualpinak ah a tel ih rorelnak ah a thu relsak rero laimi a si. Cun, November 28, 2010 ah American diplomatic cable 251,000 thuthup pawl a pholang ruangah kaih dingih peel rero mi a si. Cutin, November 30, 2010 ah Sarah Palin cun Bin Laden kan peel bangin Julian Assange hi that dingah peel uh si tiah a phuang ve. Ram thenkhat thuthuppawl Wikileaks site ih a pholang theu ruangah Julian Assange that duhtu ram a tam vivo. Stephen Harper khal cun Julian Assange thahtlak a sizia a phuang ve.

Leitlun ram tampi ih cozah cangvaihnak diklopawl pholang in le thuthup pawl pholang in diknak hawltu pakhat a sivekin ram ziangmawzat cun an duh lo ih thah ding tiang in an peel rero. Amah lawng siloin a dungthluntupawl tiang kaih dingah hawl an si.

Julian Assange cun duhduh ih kaih menmen a theihlozia simfiang in “Tuisun ah hinah ka um ih thaisun ah khinah ka thleng thei” tiah a sim ve. British ram thuneitupawl cun Sweden ah an kuat tum nan a duhlo. Sweden ih a feh ahcun thah dingih a peel rerotu US lam ah in kuat ding ti a phan thu khal a thuhla ngannak ah a tarlang. Ahleice in US ih thuthup thawngtel mipi hmuh le theih dingah a pholang tikah US cu a mualpho ngaingai a si. Tuini thotho ah Obama hin thil dik le hmaan mi tuah thlang she tiah a dil. Culawngsilioin, Julian khal a peel rero tiah phuang lawlaw seh tiah a umnak Ecuador embassy ih disap ihsin a au.

Leitlun daan pahbal ih kekar tiih puh a sinak ruangah ah a suahnak khua Australia khalah a lut thei nawn lo. Asinan, Julian Assange lamtang pawl cun nasaten Julia Gillard hnenah cohlang sal dingah an nawr ve. Thah dingih hawl rero asivekin umnak hmun hnget khal nei ngamlo in ram ruk sarih ah a um ih tufang hi London ih Ecuador embassy ah lengsuak theiloin a um laifang a si. Palik 100 lengloin a leng ihsin an kil ringring. A leng a suah pang ahcun kaih theih ringring a si.

Cathiam mi a si maw?:

Phunsangtlawng Kailo Khalin Mihminthang Si A Theih

Ziangtikin a buai thok:

Julian Assange British Police Kut Sungah Pelut Aw Ding

Theih duhmi ka nei lai:

Wikileaks & Julian Assange

Comments

comments

5 Comments

  1. Thu dik ti lawngin ngan sehla a tha sawn lo maw?Thu dik le hmaan (Kawl Ca) ngan hi a tul lo a bang nan…..lungawi .

  2. Sawisel cu a nuam ti aw. Mi ti palh mi hmuh tla awl so khaw.

  3. Kan Laica thangso sinsin thei nak ding duhsaknak le ruahsannak thawn faksel mi a si sawn.
    Kawl tong ih hmaan anti mi khi kan Lai tong in “DIK” kan ti.
    Cun,Lusei/Mizo tong ih palh anti mi khi kan Lai tong in “PANG” kan ti….

  4. Mi tong zir tul lo in mai tong thiam tak kan tum kei uh. Ngan sual leh hrelh mi cu Kan tlawng kai san lo lam in a zir. Zo khal sawi sel aw si lo in leh, el aw si lo in, Ka ti dik maw, kei mak maw, zo ha mawh, ti kan zo aw kei,
    thei kau thu tha a dik mi kan thlun tum kei uh.

  5. Dear Thangte,
    Hmaan le Dik hi a bangaw a si. Kan tlawngkai lai capoh duhzet rualpi kan neihmi in “Na palh nan na dik, na dik nan na hmaan lo” tiin tong haikhaw kan hni vualvo lo ziang. Palh khal hi Lusei/Mizo tong lawng a si ve lo. “Ka ti palh” tiin Lusei tongin an timi khi kan Chin tong in “Ka ti pang” ti lawngin a san a kim lo. Pang timi Lusei tong in an nei fumfe lo sawn kha a si. “Ka ti palh” cu kan Chin tong a si ve thotho. Ziangah tile Palh cu Sual ti thawn a bangawbik a si. “Ka palh riai” tiih kan tongmi khi “Ka sual riai” tinak a si. Cumi cu “Ka pang riai” tiin ti awla kan Chin tong na thiam ngah taktak hrih lo ti mi in an theihngal mai ding. Mai tong zir tla a tul ve sokhaw.
    Tong humhalhnak thinlung thawn a si.
    Salai Snow

Comments

%d bloggers like this: