Tulai: Kate le William Tei Sung Thubuai

Siangparhrang  tei mo Kate cu Prince William thawn an um tlangnak a rei vivo ih nau a pai ruangah a phunphun in a damlo ih London’s King Edward VII sizung ah a thleng.

Kate le William cun hmun thupi ih fehnak an neih mi pawl le puai fehnak ding an neihmi pawl tla a langten an ṭhulh hrih.

Siangpahrang tei sungkua hi mikip in an thuhla theih an duhzet ruangah William cun an nu Kate ih naupai thu tla Christmas tiang cu zohman sim lo in ka um ding tiah tumtahnak a rak nei asinan Kate a damlo ihsin thuh theihlo in a naupai thu cu mikip theih ah thuthang latupawl cun an phuangdarh.

Kate sizung ih a um lai ah Australia ih 2Day FM Radio thu thantu pahnih DJs, Mel Greig le Michael Christian cun Queen Elizabeth le Prince Charles vekah an aw tuahaw in an umnak sizungpi an phone ih Kate ih dinhmun nurse pawl hnenah an suthliah. Kate ih um dan pawl an rak sim dingah zum a si. Cui, Nurse phone rak kaitu Mrs Saldanha, 46, tla cu tui Friday ah a thi in hmuh a si. A thihnaksan hi a ningzak tukih amahte a that aw maw asilole an that timi zingzawitupawl cun an hliakhlai rero laifang a si.

Australia Radio thuthantu pahnih hi Siangpahrang tei sungkua in rorelnak ah an thuhla an thlen tum ruangah Kate nau neih thuhla ih Radio programe bawmtu pawl tla cu buai duhlo in an hnukdawk aw hai. Kate tei sungkua cun nurse thi Saldanha Jacintha tei sungkua an riahsiatpi thu an sim.

Comments

comments

Comments

%d bloggers like this: