Tulai Delhi Chinmi pawl khawsak daan

Delhi Chinmi pawl khawsak daan timi ngantu hi Delhi ah kum (10) leng khawsa ve tu a si. Amah le theitawk in Chimi pawl ih harsatnak a zingzawi ih tlun ah amah rori khal harsa tuar ih khawsa a si ve. A ngantu hin ram dang ih um pawl ih theih tul zet tulai boruak le nitin caan hman daan pawl thupi zetin a tar lang.

Thuhmai hruai

The golden land of Burma tiih kawhmi ram nuam ah Chinmi tampi kan rak um. Asinan 1988 ihsin ralkap pawl in diklo zet in, hremnak a phunphun, hna tuan har sasa, biaknak lam ih hremnak na men lo, rukru le misual tiih puhnak le thahnak tiang kan tuar  ruangah ram sungah um ngam nawnlo in Kawlram venghnen India, Thailand, Bangladesh, Malaysia, Singapore le a dang ram ah Chinmi kan thleng. 

Kan Chin state ih um mi (500,000) sung ihsin (100,000) lenglo cun kan Chin ram nuam (Burma) kan suahsan. Mi (60, 00) lenglo cu Mizoram le Manipur ah nunnak humhimnak ding hawl in an khawsa.

A tufang ah Kawlram mi a bikin Chinmi (4200) in raltlan sinak dil in New Delhi ah an khawsa. Mi (1930) pawl cu raltlan ah pawm fel an si zo. Mi (22, 20) lenglo pawl cu raltlan sinak dil in leh result hngak phah in an caan an hmang rero. Mi (620) tluk ih case pawl (pending) zohsal dingih ret an si. Mi (50) hnak ih tam reject tawng an um bet.  UNHCR hin kawlram, hrangah 1994 ihsin khan sangka a rak ong thawk.

1.      Delhi ih Chinmi pawl ziangmi rawl an ei, India rawl an ei ve maw?

Ans:  Kawlram ih kan ei vek an ei ko. Harsatnak ruangah fang man olbik pawl an ei theu. Sa cuai khat ah Rs-100/- a thleng zik thlang ruangah rawlhmeh thaw, sa lei a har vivo. A um rei pawl cun puri/samosa tivek rawl ah tla an khal thei. Kawl ram ih eivek rawlhmeh le rawl ei a si ti sehla a sual tam lo ding.  

2.     Ziangvek inn an luah?

Ans:  Harsa te kan si ruangah inn Rs-5,000/-man a luah thei cu mi nung thei ti an si. Room khat ah mi (8) um tla an um. Rawl einak, ihnak, mileng room pawl a bang aw theh tinak a si. In sia te thawnghnih khat man luah an tam sawn.

3.     Ziang vek hna an tuan?

Ans:  UNHCR tonglet, UN thawi pehpar organization dangdang ih tong lettu, Call Center ah, pakan kholh, lakphak zem, nauhak khawi, puan cep, computer operator, tidai zem, jean bawngbi aah, puan sawp, Korea pawl hnen ah hnen um tuan, gate kiltu, Security, thil aah tivek hi a tlangpi thu ih tuanmi hna a si. Cumi lo UN lam ih tawlrelmi tampi hlawhawk nak a um. Mi 380 ah mi 14 in thaten hna an tuan thei ih mi 107 cun an tuan thei lo ih mi 259 hrawng cu hna tuan lo le tuan ding neiloin an khaw sa.

4.     Ziangzat an hlawh?

Ans:  UN lam ih tonglettu pawl hin nikhat Rs-500-600/-tivek tla an hlawh ih a dang refugee organization le section dangdang ih hna tuan pawl in thla khat ah Rs- 4000-5000/- vuakvel an hlawh ban. Culo, Call Center ih hna tuan pawl in Rs-8000/- hrawng an hlawh nan thate a tuan suak thei an tam lemlo. Cun, computer thiam le tongthiam pawl in thla khat ah Rs-5000/- vel hrawng an hlawh ve. Culo, vai lakih han tuan pakaan kholh le hnen um tuan le puan cep pawl cun thla khat Rs-3000/- hman cu an hlawh thei lo caaan a um.  

5.     Harhdamnak lam ah buainak an tawng theu maw?

Ans:  Hna tuan, rawl thaw ei thei lo tiah damlo an tam zet. Asinan, raltlan hrang ahcun man lo ih zohawk theinak hmun tampi a um, sivai khal paisa tul lo ih ei a theih ih a nuam zet. Khat lam kau ahcun sivai mi an pek tikah pum naa hrang le ha naa hrang sivai tla a rak bang aw theu. Siman khung cin le si tha cin cu kan lei theilo. Sivai leinak man pawl cu harhdamnak lam hotu pawl hnen ah dil sal  a theih. Siivai leinak man pawl cu bill leh theih a si.  Asinan, bill sal ding ah buainak tampi an tawng theu.  

6.     Zirnak lamah ziangtivek in nan um?

Ans:  Zirnak lam ahcun a tha, India mipi pawl hin mirang an hmang tuk ih thanso a ol zet. Cun, kan Chinmi phunsang tlawng kai thei cu mi malte an si. Phuhrek ihsi phun 12 tiang kai cu mi tampi an um. Sungkua tampi cu tlawngtha ah an fate an ret thei lo ih refugee ca zirnak tivek ah an fate ca an zir ter, cuang khal cu a tha zet thotho nan duhthu a sam lo deuh ti nak a si.

Nauhak 282 leng hmaitawn thusuhnak ahcun nauhak 69 pawl cu thaten tlawng an kai thei ih mi 151 cu an kai theilo.  Mi 72 tluk cu zir sunzawm thei nawnlo in an um.

7.     Ram dangmi si ruangih nautatnak tuar thu ah teh…ziangtluk?

Ans: Tawn tengteng dingmi a si ko. Vai pawl in kan Chin fala hi an zoh duh hleice. Tlangval thenkhat nautatnak ruangah vuak, thawi an tawng  theu. Kawlrammi pawl hi Nepal zuar aw pawl ah in ruat theu ih nepali tin mi an ko theu. Culole, bahadur (micak) tivek in nautak tuk in mi an ko theu. Vuakvelh tuar tampi an um. Fala then khat cu vai tlangval pawl ih hmuhsuam le nautat a phunphun tuar an um. Harsatnak cu rel ding tampi a um nan rel cawl ding a si lo.

8.     Delhi khawi tawk hmun le veng ah an um?

Ans: New Delhi ih kan Chinmi umnak veng pawl cu Janak Puri kulh sungah a si ih Budella, Hastal,  Vikapuri District, Jevan Park, Mahindra Park, Sitapuri, Bindapur, Chanakya Place, Chanakya Puri, Uttam Nagar, Asalatpur veng pawl ah an um. Delhi cu 1483 sq a siih mi 14 million populations an si.

9.     Delhi ih Biak inn le Fellowship pawl in sim thei pei maw?

Ans:

1.      Delhi Burmese Christian Fellowship

2.      Chin Christian Fellowship

3.      Chin Believer Church

4.      Lai Christian Church

5.      Delhi Matu Christian Fellowship

6.      Matu Christian Fellowship

7.      Zomi Christian Fellowship

8.      Delhi Zomi Church

9.      Burma Christian Association

10. United Pentecostal Church

11. Living Faith Baptist Church

12. Gospel Baptist Church

13. Seven Day Church (1)

14. Seven Day Church (2)

15. Mizo Fellowship

16. Assembly of God

10. UNHCR in ziangtluk Chin raltlan pawl a bawm?

Ans: UNHCR ih a bawmmi 10% hrawng an si. Mi 70% in rawlhmeh hlawnmi le mi rawlhmeh duhlomi sam dingin zan sim hnu ah an tawi an vak. Mi 72% pawl in thlatin 3000 hnak ih mal an dawng. Bawmtu neilo le UNHCR ih a bawmlo/bawm nawn lomi 90% an si ih UNHCR ihsin zianghman ngahlo le theipi lo 40% hrawng an si ding a zum um.

11.  Delhi ah mi ziangtluk thi hlo an um zo ding?

Ans: A phunphun damlonak le vansiatnak ih 1999 ihsin 2007 khan mi 30 leng an um zo.

12. Sungkua ziangzat ram dang an feh zo?

Ans: Kan dung kum 2007 ihsin ram dang feh (resettlement) a laar hleice ih tui 2008 thleng ahkhan sungkua le mimal feh a zaten mi 435 hnak ih tam a feh suak zo ti a si.

13. Tu lai hi ziangtin si, ram dang feh an um ko maw?

Ans: UNHCR ih a ngai pawimawhbik cu Family pawl an si. Cu mi theh ah nuhmei, Fala single, kum kimlo tivek ih then an si. Mipa single lo hmuah cun ram dang ih kuat rero an si. Tu ah mipa single pawl khal resettlement hrang interview kawh thawk rero an si thlang nan ram dang feh suak zohman an um hrih lo.

14. Kum 2010 ih interview ding pawl kha 2009 ah an thawn theh timi, kan theihmi kha thudik a si ko maw, ziang ruangah si?

Ans: Aw, thudik si ko nan, zohman in ziangruangah an thawn timi an thei lo. Mi thenkhat cun India ih commonwealth Game um ding ruangah tivek in a phunphun titi a um nan, felfai te ih thutheih a um lo.

 

 

 

 

Comments

comments

Comments

%d bloggers like this: