Tulai Awnmawi Leitlun Ih Larbik Minu

Minu leitlun awnmawi lam ih hlawhtlingbik cu Jennifer Lopez a si. Tui kum sungah awnmawi le zuknung cang pawl lakah hlawhtlingbik ih phuan a si. Jennifer Lopez 43 ih larnakbik hmun cu TV sung hi a si. Amah hi Los Angeles, CA ih um a siih City University of New York Baruch ih, ca rak zir a sinan cathiam thei a rak si lo ruangah a zir suak thei lo. Pasal a nei ih fa 2 an neih hnu ah an ṭhen aw bet.

Hlasak thiam le zuknung cangthiam si ding cun dinhmun hngelhnget deuh tla a rak ṭul nan Jennifer Lopez cu midang pawl vek siloin a rak thoknak a niam zet.

Asinan tuikum 2012 sungah leitlun awnmawi le zuknunglam ih milarbik 100 an hrilnak ah pakhatnak dinhmun a ngah. Tui kum thla 12 sungah US dollar in million 52 lenglo a hlawhsuak thei. Tui kum lawngah hin Jennifer Lopez cun milarbik le hlawh tambik sinak a co thu U.S awnmawilam tawlretupawl cun an phuang.

Kan dung kum ih a lar deuh hnu khalah fanau kaiawktu a nei thawn a harsazet nan theitawk a zuam ih tu ahcun a sumpai hlawhmi thawn a thuamhnaw hruk dingmi dawr pi a nei zoh ih hleiah a neihmi sumpai a let thum in a pung. Twitter ah dungthluntu million 6.6 lenglo a nei ih Facebook ah dungthluntu million 12 lenglo a nei thotho. Lopez cun Lady Gaga ih larnak le hminthannak pawl tla a lan thei zo.

(Visited 556 times, 1 visits today)

Comments

comments

Comments

%d bloggers like this: