Tulai Australia Kawhawknak Thu Lawrkhawm

TUI TUM KAWH AWK NAK THAWN THEIH TUL MI TETE LAWR KHAWM 

JH Thang
Melbourne

Australia-flag

Tulai thu tharhlaam deuh a si ruangah le Delhi le Malaysia ih um kan unau pawl thu thei fiang lo tete kan um ruangah thusuh nak le san nak in hithu hi ka run ngan ding. Australia lamih kan theih ttul mi tete khal a tel a cang thei tawk ih ka run lawr khawm mi a si,,, mi hrek khat hrangah tthat hnem nak a neih ka bei sei.

****************************************

AUSTALIZA KUMPI POLICY

*200 VISA kha malter deuh in 202 VISA tamdeuh a la ding.

SUNGKHAT KAWH THEIH A SI MAW?

*Si e,, Refugee card neicia a si ding ih Burma ramleng ih um a si ding.

UN CARD NEILO TEH KAWH THEIH A SI MAW?

*Kawh ngah lo tinak cu a silo nan Australia kumpi in Malaysia kumpi or India kumpi hnenih (exit permit) dilsak kha a buaithlak deuh ruangah UN card neicia a duhsak (Uusaa) deuh nak a si bik.

KAWLRAM UMMI TEH KAWH THEIH A SI MAW?

*Nupi/pasal lole fale (Kum 18 hnuai) taktak cu kawh theih a si. Midang cu a ngah lo.

MINUNG PAKHAT OR FAMILY PAKHAT IN MINUNG PAZIAT KAWH THEIH A SI.

*Mi kawh dingah rikhiah a um lo, asinan minung tampi na kawh a silen ttuanvo na la thei pei maw ti ruah ding a um. Australia kumpi ih zum le zum lo parah a hngat aw,, an lo zum lo ah cun interview hman ko nawnlo in anum thei. 

HNA TUAN NEI PAWL LAWNG MAW MI KO THEI??

*Si lo,, zo khal mi kawh theih asi, a mah lawngte Australia Citizen lole Permanent Resident (PR) na si a ttul. Atam sawn cu PR kai lai kan si ih mikawh thei nak kan nei.

VANZAM TICKET LEISAK LEN VISA AN PE CIH TI TEH A DIK MAW?

*A silo, Vanzam ticket leisak in umzia a nei cuanglo,, Visa an pek hnu lawngah Vanzam ticket cu lei sak ding a si. ,,,Nan dilnak an lo pomsak a silen Interview an ko tading, cui hnuah Thi-sit (Medical check-up) an tuah ding, cumi an on in Visa an pe lai ding, cui hnu lawngah Vanzam ticket cu leisak a si lai ding. Mi hrek khat an case (dilnak) an pom sak lo mi tla cu interview hman ko lo in an reject ding. (himi thu ah zamrang zetih feh theih ah kan ruat pang thei,,, Thi-sit (medical check-up) hnu hmanah thla thum-li kan rei ti kha mah te ruah mei ding.

VISA an ngah hnuah Vanzam ticket leithei lo pawl hrang bawmnak dil a theih maw??

Theih ee,, IOM (http://www.iomaustralia.org/projects_nils.htm) ah a na ticket man ih 70% cu cawi theih a si. Cui hnu a tangmi cu nangmai na pek teng teng a ttul.

IOM IH PAISA CAWI CU KEIMAH TE KA CAWI THIAMLO AH ZOHA BAWMNAK KA DIL DING???

Lungphang aw hlah,, VISA an ngah zo ti na theih cun AMES ah feh lohli aw la na kawh mi hrangih case manager va tong lohli aw, a mahin a lo bawm ding. VISA an ngah veten Immigration office cun AMES ah an hmin an run kuat ding, AMES ah case manager midang vek thotho in a nei ve ding. Cui case manage thawn Vanzam ticket man siseh, Inn san nak ding le thil ttul dang pawl nan tawlrel tlang ding.

Cu lolen MIC khalah bawm nak na dil thei ringring a si. 

AUSTRALIA AN THLEN TIKAH MIDANG VEKIN CENTRELINK LE BAWMNAK DANGDANG AN NGAH VE PEI MAW?

Centerlink an ngah ve ding, cun case manager khal an nei ve ding. Hman seh community guide hna ttuan ttheu mi kha nangmai tuah thluh a si ding. An ra thlenih Airport va hmuah le Inn san nak ding pawl khal nang mai hna a si thlang ding. Kumpi cozah hnen ih bom nak Inn sungsang thilri pawl cu an case manager thawn nan tawlrel tlang dingih an ngah ding le ngah lo ding cu a lo sim thei leh ding. Kumpi cozah lamih covo cu an ngah thluh dingnan a tawlrel kha nangmai hna asi ti nak a si.

KAWH AWKNAK FORM CU ZIANG TIN KA TUAH DING?

*Form 842 LE 681 tin a um.  Department of Immigration and Border Protection Website ah phih hnuah print theih a si.

Online ih phi hnu ih print duh sal pawl hrangah :

*FORM 842 ONLINE IN PHINAK (http://www.immi.gov.au/allforms/pdf/842.pdf)

*FORM 681 ONLINE IN PHINAK

(http://www.immi.gov.au/allforms/pdf/681.pdf)

HIMI POLICY HI ZIANG TIKTIANG A UM DING?

Australia Immigration and Border Protection Minister, Scott Morrison an kom nakih a sim mi ah cun tuihnu kum-5 tiang himi policy hi sunzom vivo a si ding tiah a sim. Tui kum sungih kan bikhiah mi cu Burma raltlan mi-4500 la dingin kan tumtah ti a si. Hmai kum ah ziang zat an ri khiah sal ding ti theih a si hrih lo ih hi thu hi kum-5 tiang taktak a daih pei maw tikhal sim theih a si lo. Kumpi policy cu thaisun khalih thleng aw sal thei a si ruangah a rang thei bikih dil ding cu kan mai hna a si.

BAWMTU NEILO HRANGAH TEH??

Kan Chin mi a bik takin Falam mi sungkhat bawmtu nei lo pawl hrangah Grace Community Church Pastor Rev. Tawk Kap in Refugee hrang a dinmi pawlkom hmangin mi a bawm thei ringring a si. Mi bawm thei ih ka um hi Pathian thlawsuah titu a si ih contact duh tu hrangah group mail ih a thlah zo mi ah peh tlaih theih ringring a si.

Chin Community Victoria (CCV) khalin sungkhat ko duh nai harsat nak nei pawl hrangah a ti thei tawk ih bawm dingah a man cia ringring a si.

Pathian thlawsuah luanliamnak khawvel Australia ram ah na thinlung na pe a silen a ranglam in rak tawlrel aw,, Australia cu rikhiah a nei ih can a on sungih tawlrel lo aisilen can ttha sangka a kha hnu cun king on sal a theih nawn zik lo.

Comments

comments

One Comment

  1. Pu J H Thang
    Na ca ngan mi kan rak siar ih kan phur nasa,asinan mi pi kan za te hrang ti ih kan ruah mi hi ziang cin a si ti le ram sung ih mi kawh thei nak dan le dun pawl in run ngan sak bet ding in kan lo dil.tah thim nak ah Organization proposer criteria, PR proposer criteria Citizenship proposer criteria le dan terek dang a tul mi pawl thawn in rak than thei uh la,mi pi pawl in kan that hnem phah ding tiah ruah san nak kan nei.

Comments

%d bloggers like this: