Tuksumza A Ratnak

December 6

Nipi Ni

 

Tuksumza A Ratnak

 

Siar:

Matthai 12:11-21

   

Cule a parah mi hmuahhmuah in ruahsannak an nei ding,

tiih a timi kimternak dingah a si.      -Matthai 12:21

 

Kumkhat Sung Baibal:

–   Daniel 3-4

   1 Johan 5

 

Christmas thlen hlan ni pawl ah kawhhran nithlasiar vekin leitlun ah Khristian pawl in ‘pha-zawng-dine’ tampi an vang ttheu. Pha-zawng-dine pakhatnak cu ruahsannak khihhmuhtu a si. Profet Isaiah in leitlun miphun hmuahhmuah in Pathian ih hrilmi Khrih hnenah ruahsannak an nei ding a ti (Isaiah 42:1-4, Matthai 12:21).

           

A ratnak ding thu leitlun milai pakhat ruahnak in kan ruat men. Jesuh in hih leitlun ah a rung leng ih kan hrangah thil ttha in tuah sak ruangah kan lungawi. Asinan kan theih ttulmi cu Jesuh cu hih leitlun hnakih hmun nuam sawn ihsin a ra timi a si. A mawi daan kan ruah ban lomi hmun ihsin a hmaisabik ratu a si.

           

Jesuh leitlun ih a rat thu ka ruah tinte’n vancungram a taanta ding thu ka ruat. A hrang ahcun tuksumza ram a si. Hih leitlun ih a rat cu tuksumza tuah ngamnak a si (Matt. 12:14). Asinan a ra. Zaangfahnak le dingfelnak hrangah Pathian amah cu mi fel lo ah a cang. Lei le van sersiamtu cun leitlun tisa puter in hih leiram cu ziangvek teu a si ti a tepter.

           

Jesuh in mi hmuahhmuah hrangah thihnak a tuar (Hebru 2:9). Curuangah a tthatnak kan tep (1Pet. 2:3). Sunlawinak hmun ih in hruai theinak dingah van sunlawinak a taan (Hebru 2:10). Kumkhua nunnak kan neih theinak dingah a nunnak a pek.

 

Christmas ruahsannak hla cu,

Vancungmi pawl in van ih an sakmi;

Caw rawl einak kuang sungih-an hlummi Khrih,

Rundamnak in pe dingah.

 

Pathian cu milai hnenah a rung um,

kumkhua nunnnak laksawng pe dingah.

 

(Visited 28 times, 1 visits today)

Comments

comments

Comments

%d bloggers like this: