Tuizan Thlabial "Full Moon Of The Year" a si

Kan dung January (15) ih nithim ding thu (http://chinlandtoday.info/2010/01/january-15-ah-ni-thim-ding/) kan CT ah fiangzetin kan rak ngan zo. Tuizan date 30 January 2010 khal van lamah thilmak danglam zet kan hmu sal lala ding a si hi! Tuizan ih full moon (thlabial) hi leitlun ih a tumbik ttum le a tletnatbik zan a si ding ruangah “Full moon of the year” a si tin zingzawitupawl in an phuang.

Thlapi tumbik zaan le engnatbik zaan a si ih “wolf moon” ti’n mirangpawl cun an ko bet.  Thusuhnak um theimi cu ziang ruangah tuizan bul thlapi a tum ce ding…ziang ah a eng naa cuang ding. Hinah (how the moon works) thlapi hi kumtin mal tete in a feh daan 1.6 inches (4 cm) a thawn theu ruangah tuizan hi a lang tumbik zaan le tleunatbik zaan a si ding. Thlapi a kauhzia peng 238,885 tluk a si ih leitlun ihsin km 384,400 tluk ih hlatnak hmun ah a um theu.

Tuizan cu a tlun ih kan nganzo bangin zan dang hnak in 14% in a tum ding ih 30% rorin a tleu a naa cuang ding ruang ah ‘full moon of the year’ a si tin Spaceweather.com pawlin an phuang. Thlabial ruangah mipi tampi cu nuamnak le damnak ah an hmang. Ahlecein, fala le tlangval hrang ahcun lungawinak caan duhnung a si. Asinan, mitampi hrang ahcun beidawnnak zaan le mah le mah thah duhnak tiang a thlen thei tin minungumdaan le hawiherdaan zohtupawl cun an sim.

Ziangvek caan ah full moon kan timi “thlabial” caan a thleng tiah cun leilungpi, ni le thlapi pawl a zawn ih an din caan ah hin thlabial zan a thleng theu. Thlabial zaan ah tidai pawl an sawp a nasa cuang ih ruangah tivakap cu a baal duh zet ti khalin an sim. Awle, thlapi thuhla sim ding tampi a um ko nan hi hmuah in sihrihsehla kan peh sal ding.

Tui zan cu kan mah le umnak ciar in thlapi kan zoh cio ding a zum um nasa. Kan CT siartu zate hnen khalah thlapi zoh nuamnak thleng hramseh! Dungthlun tupawl hnen ih a rak simmi “ka ni a nai tikah van ah thilmak nan hmu ding” tiih Jesuh tongkampawl a thleng rero thlang a si. 

Nan zaten thlapi zoh nuam,

CT Pawl

(Visited 89 times, 1 visits today)

Comments

comments

2 Comments

  1. cuvek zan dang lam le sung lawi cu ka zoh teng teng ing. Khua lam ah um sela cu ka duh dawt zet mi tha hniang pom cing, ro thu tiam kam nak thawn thla pi ka zoh ding. Tu cu ziang aw ti tha… Mah ten a riang ih tawi rero thlapa cu malaysia in cuan lang…
    Lungawinak tam pi thawn,
    SalaiMitthli

  2. Ziangti’n ha mi zan lam ih thla pi vaan zan cu ahmang tu pawl ih um khaqwsak dan cu theih avahiar um ve….

Comments

%d bloggers like this: