Tuikum Ihsin Thokin Phunhra Camibuai Phitnak Cahlap Tthan A Si

Tuikum 2017 ihsin thokin phunhra camibuai phitnak cahlap cu hnah (24) ah tthan a si ding. March ni 8 ihsi phit thok dingmi phunhra camibuai phitnak cahlap cu a hlan vekin hlap/hnah (16) lawng si nawn loin hnah (24) ah tthan a si ding ti’n Myawaddy News in a tarlang.

A hlan ahcun cahnah hnah 16 lawng hman ih phit a si ih tlawngta pawl in cahnah dang an diil sal ttheu. Cutiih an diil bet tikah an diil tam cun cahnah thuahsak tla tipang a um thei. Cu ruangah tuikum cu hnah 24 tuah ciami cahlap thawn phit a si ding. A hlan vekih cahlap diil ruangih camibuai phit caan heu lo dingih tawlrelmi a si ti a si.

Camibuai phitnak ding cahlap pawl hi Yangon, Irrawaddy le Mandalay division tipawl siarlo cu Satate tinkim ah kuat thluh a si zo tiah theih a si.

Tuikum phunhra camibuai cu March ni 8 ihsin ni 17 tiang tuah ding a si ih rampumhuap in Questions phunkhat lawngih suh ding a si ti thu khal theih a si.

Tuikum (2017 kum) ih phunhra camibuai phitu ding hi mi 670,000 lenglo an um ti’n thuthang cun a tarlang.#

Lettu: January Van

Comments

comments

Comments

%d bloggers like this: