Tuikum Chin Kum Thar Puai Chin National Day Hnakin Sunglawi Sawn?

Tuikum Chin Kum Thar Puai cu ramsung ramleng ah hlunghlai zetin kan hmang ih, a hlan hnakin kan Chin Kum Thar Puai hman daan kan thei aw vivo, cucu tulai IT san a si ruangah a si. Tuikum Chin Kum Thar Puai hi Chin mipi ih puai ropi “Chin Nation Day” hnakin kan hmang sunglawi sawn tiin ka hmu a si.

Cun, tuikum ih Chin Kum Thar Puai ramkip ih kan hman ciamco nak san hi nunphun sunsak ih a thupitzia kan theihso vivo ruang tla a si men ding ka zum. Malaysia le Delhi ah tuah suak betbet sehla ziangtlukin a sunglawi ding titiang I ruat ter. Tuikum ih Chin Kum Thar Puai zilthli hraang cu a thiang vervo a si!

Santhuanthu kan pholang, pipu nunphung kan ko kirsal thei, leitlun thansohnak lamzin tluan ah kan Lai nunphung kan fehter ngah. Laimi kan duai ce lo ti hlafing kan sak thlang. Chinmi si hi a danglam in a va nuam cuang so titu khal kan bolo ding ka zum.

A thlengaw rero mi kan leitlun pi cun, kan ruahban ceu mi tiang dawh baan vivo dingah in nawr zawk rero ih “Fanger” ihsin “Chin Kum Thar”puai ah in thlenpi ta! Thansohnak le thlengawknak duhlo tu pawl cun cohlang thei loin “Siang hrih hlah ee” an ti mengmang ko ding. A titupawl, mawhthluk ding kan si cuang lo, hlan nun le hlan hmin te cu fehsan a harsa!

Chin Kum Thar hin hmuar a nei sinsin ding. A ropi sinsin dingih leitlun theihpi tlak puai tiang a cangsuak vivo lai ding tiah ka rak ruahsannak ka tarlang ve.

1385378_10202174036851453_1306421636_n

Zuk hi Melbourne ih Chin Kum Thar Puai lai ta a si. Kan pilepu ramsa bangin thuamhnaw hman hruk thiamlo ih an rak khawsak lai pholang daan phun khat asi.

(Visited 709 times, 1 visits today)

Comments

comments

Comments

%d bloggers like this: