Tufang Hnațuantupawlih Thlahlawh Țhat Biknak Leitlun Top 10 Rampawl

804636_960753373987973_1923027347_n

Leitlun ziang mi ram in a hnațuantupawl thlahlawh sangbik a pe? Na țuan mi le na ngah mi ah lunghmuilonak nei in thlahlawh sangsawn ngah theinak hmun le ram hawlih khua na ruah laifang asi maw? A hnuaiih thlahlawh pe sangbik tu leitlun top ten rawmpawl rak bik ve sin!

1.The United States(US)

USA hi leitlun ram hmuahhmuah lakih lian bik le thiltithei bik asi. A ramah leiram suak(natural resource) a hninghnar ih a ram a lian ruangah rampihuap bikhiah in mi pakhat ih hnațuan caan hi a tlangpithu in karkhat ah caanher 44(44hrs) asi. Ramdang ihsi thilri lalut tambik tu asi ih a zemsuahnak lam khalah a pahnihnak dinhmun a luah. Kumkhat sungih mi pakhat ih sumlut hi a tlangpithu ih cawhrualin $55,000 tluk asi. Rampi siah bikhiah(tax rate) ah hin Canada, Australia le UK rampawl thawi’ level khat si in 23% vuak vel asi. Cu cu Ireland hnakin malten a tam deuh. Hi caanher 44(44 hrs) sungah mah le remcan daan vekin hnațuan caan rem a theih ih țuantu cun țuan man cu lungawiten a teel ringring.

2. Ireland

Ireland hi UK ram hmuahhmuah lakih theirah le hanghnah hangrah suahnak hmunpi bik asi. Asinan a sum lakluhnak hrampi hi santhar technology thilripawl tuah le zemsuahnak in asi sawn. Video game company tum taktak umnak hmun asi ih technology company te deuhpawl khal a zatel siarin a ramsungah a um. Kumkhat sungih mi pakhatih hlawhsuah thei zat hi a tlangpithu in $51,000 tluk asi ih Lumxembourg hnakin a mal deuh. Asinan rampi siah bikhiah(tax rate) hi 18.9% lawng asi. Cu cu Europe ram hmuahhmuah lakih tax rate niambik asi.

3. Luxembourg

Bank of America, Citibank le Chase bank pawl hi komkhawm in khua pakhat din sehla cu cun Luxembourg a tluk hrawng ding ti khop in Luxembourg hi Europe ih poisa tamnak bik hmun ti theih asi. Europe huapih kahpathir(steel) rak zem rerotu asi. Steel lawng siloin tu ah Chemical thilri, rubber le industry bungruapawl khal nasatakih zemsuak rerotu asi. Kumkhat ah $ 53,000 tluk mi pakhat in a hlawhsuak thei ih cui’ sungah 28% tluk cu rampi acozah siah ah a lut. Asinan Luxemburg hin quality nei mi thilri thawn lawng a mi le sa pawl a thuam ve thung.

4. Switzerland

Hriselnak a poimawh zia theifiang ih a thiltuah mi le zemsuah mi hrimhrim ah ralring zet le a thianghlim theibik ih a tuah ringring nak hi Europe khawmual huap khallih a larnak bik asi. Switzerland hin minung hriselnak hrang sivai a phunphun tuah le zemsuahnak ah nasatakin hna a țuanih ahleice in chemical thilri, thil tehnak le awnmawi thilri a phunphun khal nasatakin a zemsuak. Cawhrualin $50,000 tluk hi mi pakhat in kumkhat ah a haisuak thei. Rampi acozah siah hi zatek ah hmun 30 asi. Khui a feh pei?

5. Australia

Miphun thleidanawknak umlo ih zalennak taktak a tep ngah tu leitlun rampawl lakih pakhat asi ve. Ei le in, oil phun dangdang le a thiangfai mi leiram suak thilri pawl leitlun hmun dangdang ih a zemsuahnak hi a larnat pakhat asi ve. Ramdang ihsi a lakluh mi thilri hi ti tham asilo. $44.983 tluk cu mi pangai in kumpi kumkhat ah a hlawhsuak thei ih rampi acozah siah ah zatek ah 23% a feh. Cu pawl cu a rammi le sa pawlin fimzirnak țhate an ngah ih an taksa a hriselnak ding hrangih hman asi tlangpi. Zarhkhat sungih hnațuan caan rampi acozah ih a bikhiah mi hi caanher 35(35 hrs) lawng asi.

6. United Kingdom(UK)

UK ih England, Scotland Ireland rampawl hi Europe khawmual puipunleilawnnak ih cak bikpawl an si. England hi tuhlan ah cun UK ih rinsan mi le vorhlam baan tiih rak kawh asinan tuah cu mei ti phun dangdang le a thiangfai mi leiram suak thilri phunphun Scotland ihsi a suah ruangah Scotland hi UK ih thahrampi bik asi. Cun Ireland ihsin eiin lam nasatak ih zemsuah asi(Scotland le Ireland hin Independent ram sinak in suahsan bang sehla England cu a taw ah a thleng). Bulpak pakhat in kumpi kumkhat sungih a hlawhsuah thei zat hi a tlangpithu in $45,000 asi ih rampi acozah siah ah zatek ah 25% a feh ve. Asinan UK hin leitlunhuap ih hriselnak le fimzirhawknak ih somdawlawknak ah nasatak in a khawhralaw aw. Rampi ih bikhiah mi zarhkhat sung hnațuan caan hi caanher 42(42hrs) asi.

7. Canada

American pawlih duhdawt le ngainat zet mi ram lian asi. US ramri ih north lam le Saudi Arabia ih dung te ih um mi Canada hi leitlun ih mei ti zemsuak tu tumbik pahnihnak asi. A leiram in zinc, uranium, sui, nickel lungpawl an suah bakah hanghnah hangrah khal nasate in a suak. Canucks bulpak mi pakhat in kumkhat ah $42,000 tluk a haisuak ve thei ih cu lakah rampi acozah ih siah cu zatek ah 23% asi. UK vek thotho in Canada hin leitlunhuap hriselnak lam leh fimzirhawknak lamih somdawlawknak ah napiin a pe aw ve. Rampi bikhiah hnațuan caan hi zarhkhat ah caanher 32(32hrs) lawng asi.

8. Norway

Zalennak cotu leitlun ram hmintluanpawl lakih pakhat asi ve. Tidai hmangih meitha laknak, nga kaih le lung mankhungpawl laihsuahnak pawlih a liannak hi a hminthannak asi bik. Netherlands vekin Norway hin leitlunhuap ih health care le fimzirhawknak ah nasatakin a pe aw ve. Rampi acozah cun kumkhat sungih an hlawhsuah mi $44,000 sung in 30% rori cu dimlo takin a laksak. Zarkhat sung hnațuan caan hi caanher 30(30hrs) asi.

9. South Korea

South Korea hi Asia lawngah silo in leitlunhuap in puipunleilawnnak ah awih umlo khopin a țhangso. Thilri zemsuak tambik tu dinhmun in leitlunah a paruknak asi ih lalut tambik tu dinhmun in a pahranak asi. A țhangso rero laimi a economic process hi ramdang thawi’ pehtlaihawknak le bomnak ah napiin a țhum aw. Cet tha lam zemsuahnak in leitlunah hmin a nei. Nuclear raalthuam nasate in a tuah ih innhnen rampawl ah a zuar hngehnge. Bulpak mi pangai in kumkhat ah $35,406 tluk a hlawhsuak thei ve ih hi lakah 12% lawng rampi acozah siah ah a lut. Rampi bikhiah hnațuan caan hi zarhkhat ah caanher 45(45hrs) asi ve thung.

10. Netherlands

Europe ram pumpuluk huap in Netherlands hin tipar le lawng thawi’ sumdawn le thiarsukso awknak ah tumbik sinak le pakhatnak dinhmun a luah. Cucu rammi tin in kumtin $47,000 tluk an hlawh thei ve nak asi. Rammisinak ih hlawknak le nomnak a tam rualrualin an ngah mi thlahlawh ihsin zatek ih 38% tluk cu rampi acozah in a laksak ve thung. Zarhkhat sung hnațuan caan hi caanher 35(35hrs) asi.

Hrm- top men’s magazine, internet>bulpak research.

Comments

comments

Comments

%d bloggers like this: