Tuahmawhnak hrang Bomnak

March 27
Tlawngkai Nihnih

Tuahmawhnak hrang Bomnak

Maw Bawipa, Nang cu mi zaangfahtu le mi duhdawtu Pathian na si; Mi thinsau na si ih thinpemnak na nei ringring; Rintlak Pathian na si.
– Saam 86:15

Bible Siar Ding: Ttah Hla 3:21-41

Australia ram Sydney khua ih ka tlawnlai ah, mi pakhat nuangfung a kengmi pa in ka rualpi le keimah cu in rak lan. Leipar ah a tlu, a her aw ih a mithmai parih hremnak hmaphe ka hmuhmi in ka thinlung ah thukzet in i tuarter. Keimahte thu ka sut aw, “Hi mipa hi ka lan men le a ttha maw?” ti’n. Cuti’n ka rualpa hnenah, “Hiha harsat tongmi pa hi ka lan men thei lo, thu ka sim taa a ttul ding” ka ti. Ka va naih ih hiti’n ka ti, “Na harsazet a bang?” Anih in, “A si. Ka ttha lo, ka ttha thei dah lo ding,” ti’n i sawn. Cutikah kei in, “Khih hotel khi na hmu maw? Tuihhnu minit panga ah kan thleng dingih na hrangah thla ka cam dingih hitawk ih umtu pawl vekin dingte in na ding thei ve ding,” ka ti. Hiti ih ka simmi thu in Jesuh ka rinnak thinlung a cangvaiter nasa.

Cu mipa cu kan bawm ih daat-hli-ka (elevator) in a dot hnihnak ah kan hun hruai. Satan in a nunnak ah nasatak in hna a ttuan nain ka khaan sungah kan thlenpi thei. Jesuh hmin in thla ka cam ih cumi pa cu minit panga sungah a dam ih ding te’n a feh thei saal. “Ka taksa ruangpum parah zianghman natfahnak a um nawn lo” ti’n a au ciamco.

Pathian in ke dam lo pa cu A huham cahnak maksak hmangin a damter vekin A zaangfahnak cu na nunnak sungah tla a um ringring a si. Hiti’n A lo sawm: “Thilrit a phurmi le rethei zonzai mi pawl, ka hnenah ra uh, cawlh hahdamnak ka lo pe ding,” (Matt.11:28). Pathian in a huham cahnak maksak thawn lo tonghtham ding le Satan ih hnaihnoknak sungin lo runsuah a duh. Na taksa le thlarau a pahnih in damter a duh.

Duhdawt mi, cumi cu ministry, cumi cu operation, le cumi cu manifestation a si. Cuih thil pathum cu Thlarau Thianghlim baptism conak ih suahpimi principle an si. Zumtu in kan theih ttulmi cu Pathian in kanmah hmangin cumi pathum canter a duh timi a si.

Bible hi Pathian Ttongkam a si. A sung thu pawl hi Thutak an si. A Thu sungih umtu hmuah cu dingte le fekzet in tthawn theih loin hngetkhohzet in an ding thei ding. A thukamnak pawl cu ttongkam pakhat te hman a pelh dah lo ding (1 Siang. 8:56). A Ttongkam in thil a tisuak ding. A Thu cu vancung ih a hnget zomi a si (Saam 119:89). Leitlun ah a phuanglang aw ding, Amah cu kumkhua a hmunmi huham cahnak a si.

Zaangfahnak cu na parih a rami Pathian thluasuah a si. Pathian ah na thinlung ong aw in, rinnak in cangvai awla na ttulmi zate a lo tuahsak ding.

@ Smith Wigglesworth

(Visited 28 times, 1 visits today)

Comments

comments

Comments

%d bloggers like this: