Ttong Vekin Nung

July 24

Tlawngkai Ninga

 

Ttong Vekin Nung

 

Siar:

1Timote 4:6-16

 

Mino na si ruangah zohman in lo nautat hlah hngai seh. Sikhalsehla na hmurkaa na ttong daan, na um daan ziaza, duhdawtnak, zumnak le thianhlimnak khalah zumtu dang pawl ih zohtthim dingin nung aw.   -1Timote 4:12

 

Kumkhat Sung Baibal:

–   Saam 35-36

–   Tirhthlah 25

 

Thusimtu pakhat in, “Ka nupi cu thu a ruat thei lo lawlaw, ka thuthangttha simmi vek rori in nung dingah i ruat,” a ti. Mi pakhat hnenih thudik sim cu mai’ nunnak rori ih tuah suak hnakin a ol sawn.

 

Ka fapa thawn golf kan thawi tikah ziangti’n thawi ding ti ka sim thei ko. Asinan keimah cun ka sim vekin ka thawi thiam cuang lo. Lehpannak thu thawn pehpar aw in thutthimnak ih kan hman ttheumi cu: “Ttong lawng ttongin ttong vekih tuah lo,” ti a  si. Zokhal in kaa in tthate’n kan sim thei ko na’n atak ih vun tuah ngaingai tik ahcun a rak ol lo.

 

Hih thu cu Jesuh Khrih in A dungthluntu dingah a sawmngiarnak thawn a bang. Kaa lawngih zum a tawk lo, zum vekih nun a ttul. Paul in Timote raalrinnak a pek: “Mino na si ruangah zohman in lo nautat hlah hngai seh. Sikhalsehla na hmurkaa, na ttong daan, na umtlan daan ziaza, duhdawtnak, zumnak le thianhlimnak khal ah zumtu dang pawl ih zohtthim dingin nung aw” (1Timote 4:2, 15).

 

Khrih dungthluntu kan si vekin ttong ih nuam aw men ding kan si lo. Zumnak ah zohtthim tlak si dingin kan ttong vekin kan nung ding.

 

Kan tuahnak ruangah midang in in thei seh,

Inn ah, hnattuannak ah, lehpannak ah;

Kan thinlung sungih Jesuh a um zia,

Nitin A hrangah na nung maw?

 

Kan nun le kan ttong a mil awk tikah Pathian lung kan awiter.

(Visited 26 times, 1 visits today)

Comments

comments

Comments

%d bloggers like this: