Ttong Suak

October 23

Tlawngkai Nihnih

 

Ttong Suak

                                                           

Bible Siar Ding: Saam 57:1-7

 

Maw Bawipa, miphun tampi lakah ka lo lawm ding!

Minung tampi lakah ka lo cawimawi ding!

A hmunmi na duhdawtnak cu vancung a thleng;

Rintlak na sinak in van a dai.

– Saam 57:9-10

 

Minung tampi hi Pathian parih an thin a heng tikah, anmahte daite’n an umpi men lo. An kiangkap ih a ummi zumtu le zumlotu pawl hmuahhmuah ih theih ding khop in, Pathian in an parah a tuah ding hmang tiih an ruahmi a tuah sak lo thu an tlokciar.

Christian tampi hi lungawi lo le thinhar in Pathian a vuivaitu le midang theih ding khop ih a aukiotu an si thei. Asinan atu le atu Pathian ih duhdawt zaangfahnak kan hrangah tampi a karhzaitermi pawl teh midang pawl hnenah kan sim in kan rel dah maw?

David in hih Saam hla (Saam 57) a nganlai caan ah, amah cu siangpahrang Saul in that dingih a hual ciamconak ttih ruangah hramlak ah ttih le khur ih a tlan rerolai caan a si.  Saam hla a nganmi kan zirzoi tikah Pathian hnenih thlacamnak thawn hram a thok ih Bawipa cu a parah zaangfah thinpemnak nei dingin le amah a siatsuah theitu a raal pawl ih kut sungah tla lo dingin humhim dingah a dilngen. A Saam hla nganmi cu Pathian in duhdawt zaangfahnak thawn a parah hna a ttuan ding timi thu a theihfiangzetmi thawn a cemnetter. Cuti’n David siangpahrang cu leitlun a nundam sung hmuahhmuah ah Pathian ih duhdawtnak le tthatnak ttong le au suak dingin a pum a pe aw.

Ziangtiklai caan ah le ziangti vekin si Pathian in na ttulsamnak pawl a lo famkiim ter? Saam hla ngantu David siangpahrang ih thilti daan thlun in au suak ve aw.  Pathian in kan parih a langtermi a duhdawt zaangfahnak cu kanmai’ hrang lawngih  ret men dingmi thu a si lo, mikip hnenah phuanlang le au suak dingmi a si.

Bawipa, Na duhdawt zaangfahnak co dingah ka phu lo, cu cingin Nang cun ziangti khalih co thei dingin thu in tiamkam. Na duhdawt zaangfahnak cu ziang bangtuk nunsimnak thawn kop aw in ka parih a ra thlen hmanah rinsan ngam thotho dingin in bawm hram aw.

Tuni ah Bawipa ih duhdawt zaangfahnak ka ttulmi ah ziangmi si ka tonteh?

Himi dinhmun ah ziangti’n A duhdawt zaangfahnak ka hngauhsan ding?

 

@Pennington

(Visited 11 times, 1 visits today)

Comments

comments

Comments

%d bloggers like this: