Ttong ding maw, Ttong lo ding?

April 1

Tlawngkai Nili

Ttong Ding Maw, Ttong Lo Ding?

Siar:

Marka 14:53-65

Sikhalsehla Jesuh cu daite in a um ih ttongkam kam khat hman a let lo. Cule puithiam saang cun, “Sunloihmi Pathian ih Fapa Messiah cu na si maw?” tiah a ti.   -Marka 14:61

Kumkhat Sung Baibal :

Thutthentu 13-15

–   Luka 6:27-49

Vei khatkhat ah kan si lomi in puh tikah sawn lo te’n um a ttha sawn. Caan dang ahcun kan ttong a ttul hrimhrim caan khal a um.

Jesuh cu misual pawl in puithiam hmai ah thuphan an puh tikah “Daite’n a um” (Marka 14:53-61). Amah le amah hum awk hnakin ttong lo ih a umnak in Isaiah 53:7 sungih sim sungmi thu a kimter. Asinan tuanlai caan ih a hnattuannak kan zoh tikah, Jesuh in Farasi pawl cu sualnak a tuah a si tiah i ti theitu nan um maw? tiah a kawk hngainak kan hmu (Johan 8:13-59).

Pastor pakhat cu a kawhhran sungtel hrekkhat in a dik lomi thu an puh tikah a hnattuan in a suak. Amah le amah hum awk ding a duh lo. Asinan hih thu ahcun, buainak a tuahtu pawl cu hmaiton in an palhzia simfiang in an sual sir aw ding le khristian daan ih an nun theinak dingah nun sim an ttul.

Zianghman ttong lo ih kan um tikah a sualtu pawl in sualnak lamzin kan zawh ti an thei lo. Hmanseh, Pathian in daite ih um ding in duhsak caan le kan thinlung diriamnak men a si ahcun ttong lo ih um a ttha.

A dik lomi sual an lo puh dah maw? Na thin diriamnak men ding a si ahcun, let loin Pathian hnenah zaangfah dil sak sawn aw.

Bawipa, hmuhnak ding fimthiamnak,

Adik lomi phuansuah theinak;

Kan ttulmi Na zaangfahnak le cahnak,

Ka kaa hupnak le kilkhawinak.  – D. De. Haan

Daite ih um hi a man a khungzet thei,

thil ttha deuh suahnak a si lo ahcun siatsuah hlah.

(Visited 20 times, 1 visits today)

Comments

comments

Comments

%d bloggers like this: