Ttihphannak ihsin Luat

April 4
Tlawngkai Nithum

Ttihphannak ihsin Luat

Duhdawtnak sung ahcun ttihphannak a um lo; a famkimmi duhdawtnak in ttihphannak a hloter ttheh.
– 1 John 4:18

Bible Siar Ding: 1 John 4:7-21

Zianghman ttihphannak nei ding kan si lo. Leitlun ah thil pahnih a um: pakhat cu ttihphannak (fear) a si ih a dang pakhat cu zumnak (faith) a si. Pakhat cu Satan taa a si ih a dang pakhat cu Pathian taa a si. Pathian na zum ahcun ttihphan ding zianghman a um lo. Satan bumnak sungah na um a si ahcun ttihphannak sungah hruai na si ding. Ttihphannak cun sal ah mi a tuah ringring. A famkimmi Khrih ih duhdawtnak umnak hmun pakhat a um, na ttihphannak hmuahhmuah Khrih ke hnuai ah na tthum ih zalennak hmun ih na leen ahcun (1 John 4:18). Zianghman in lo ttihphangter hlah seh! Pathian cu kan hnenah a um, zo in so in dodal thei ding? (Rom 8:31).

Mi tampi Christian Science zum ih an thlun ciamconak asan hi kawhhran a rocaar ruangah; Thlarau Thianghlim a neih lo le a sungah a cangvai lo ruangah a si. Christian Science a suahnak cu kawhhran a rocaar ih Thlarau Thianghlim ih uknak le cangvainak a sian a si lo ruangah a si. Kawhhran hi Thlarau Thianghlim thawn khat sehla Christian Science luh theinak hmun a um lo ding. Asinan kawhhran in zianghman a nei lo ruangah ttulsamnak neitu pawl in a lawngmi khatter dingah Satan hnenah an pan ih anih in an duhmi pakhatkhat ngah thei dingin a rak leem ve. Tuni hmun tampi ah zumtu pawl ramcaar nun tontehnak in an khat, zianghman nei loin an um.

Kan thinlung sungah Thlarau Thianghlim ukternak in hih buainak ihsin kanmahte rundam awk cio zuam uhsi! A liamciami thil pakhatkhat parah na nunnak tthum aw hrimhrim hlah, cuhnak in Thlarau Thianghlim hriakthihnak cosang in atu rori ah huham thawn khat dingin na thinlung sangka on aw. Na thlarau nun ah tihaalnak, ngainak le duhhiarnak taktak na nei maw? Pathian in a hlawnthil mankhung in na ttulmi hmuahhmuah a khatter ding. Pathian in a cakmi le a thianghlimmi duhdawtnak kan sungah umter in zumnak ihsin zumsinnak ah cakter sinsin in duh a si.

Dung na tolh, na tlu in na cau asile Thlarau Thianghlim ih hnattuannak na el ruangah a si ding. Thlarau Thianghlim kha na nun luahkhatter in tleuter awla thimnak cu a hlo ding. Bawipa ih Thlarau cu thutak a si. “Amah cu tleunak sungih a um vekin kannih tla tleunak sungih kan um ahcun pakhat le pakhat pawlkom awknak kan nei ih A Fapa Jesuh ih thiisen in kan sualnak hmuahhmuah a tlengfai a si” (1 John 1:7).

Thlarau nun a siatral vingvonak cu Thlarau Thianghlim elnak ruangah a si.

@ Smith Wigglesworth

(Visited 26 times, 1 visits today)

Comments

comments

Comments

%d bloggers like this: