Ttihphan nei lo Raalphaw

November 25

Zarhpi Ni

 

Ttihphan nei lo Raalphaw

                                                           

Bible Siar Ding: Saam 3:1-8

 

Maw Bawipa, Nang cu ka himnak phaw na si ih,

ttihphannak ihsin i hum ringirng.

–  Saam 3:3, 6

 

Na nunnak sungah mi pakhatkhat in raal vekin a lo zohtu an um dah maw? Hnattuannak ih hotu (supervisor) in na thilthiamnak a lo hringhro ruangah thinhar in na um maw? asilole innhnen vengpa thintawizet thawn mawttaw retnak (carpark) hmun thuhla ruangah thin hnaihnok in the na um maw? Na thin a lo hnaihnoktu hi na innsungsang mi sungin tla an si pang maw?

Cuvek milai cu a phunphun in kan lehrul (respond) thei. Zianghman ngaihsak loin kan umsan (ignore) thei, asilole hmundang ah tthawn hlo ding ti’n kan ruahsan thei. Hmaiton in kan relpi (confront) thei ih buainak um lo dingin kan tuah thei. An thinhennak daiter dingin kan tlon (appease) thei ih an duhkhungtuk lo dingin tla kan ruahsan thei.

Bible in lamzin dang pakhat in khihhmuh. Bawipa cu ttihphannak ihsin in luater theitu a si ti thei fiang in, “Ziangti’n Pathian in himi pa/nu thawn kan pehtlaih awknak hi thluasuah ah a canter ding?” ti’n thla kan cam thei. Pathian cun hmun dang ihsin kan zir thei lomi fimnak kha hih pehtlaihnak siava ihsin tla in zirh thei men. Culole cumi ihsin Amah naihsinnak le midang tla Amai’ hnenih hruailut theinak caan ttha ah a canter thei a si.

Pathian cu kan raalphaw a si ahcun ziangvek raal khal ttih ding a um lo.

Bawipa Pathian, ka raal pawl rem te’n lehrul thei dingin i bawm aw. Nangmai’ humhim mi ka sinak ah rinngamnak in neihter aw.

Mi pakhatkhat in ka raal ah a tuah aw maw? Pathian cu ka raalphaw a si ti ka theih fiangnak in cumi nu/pa thawn kan pehtlaih awknak kha remcaang ko in ka thlengh thei maw?

 

@Pennington

Comments

comments

Comments

%d bloggers like this: