Tthitumnak Kum 10 kim Lomnak Tuahtu Neih Bangaw Mipa Pahnih Cu Bahan Myone Palik Zungin An Thuhla Zingzoi Ding

Same Sex
Tuesday, March 04, 2014
March 2 ni, Yangon Myo, Bahan Myone ih um Exel Treasure Hotel ih tuahmi neih bangaw mipa pahnih a simi Ko Min Htet & Ko Tin Koko teih an tthitumnak kum(10) kim lungawi puaipi tuah a si hnu rampi daan buar pukmah(Section) 377 vekin an thuhla relsak dingih timtuah a si thu Palik hotu sang U Myint Lwin cun a sim.

Excel Treasure Hotel ih tuahmi tthitum kum (10) kim puai thuthawn pehparin kanmah ttat phuaih ( တပ္ဖြဲ႕) pawlin zingzoi in kan hliakhlai ding. Daan tuahmi U-pa-di pukmah 377 thawih a milawk asile daan vekin thurel a si ding tiin Yangon tamtthen Bahan myo ih palik hotu sang cun aa sim.

Daan buar sinak pukmah 377 ahcun zo khal mipa siseh, nunau siseh, rannung siseh, maih duhnak vekin a si lo zawng ih nupa sinak hmangtu cu a nunsung siseh, kum 10 sung thawngthlak siseh, paisa kuanter siseh, thawngthlak le paisa kuanter tivek in a phunphun ih dantat theih a si tiin a um.

Hih daan vekin a si lo zawngih nupa sinak an hmang maw hmang lo ti Doctor pawlin an zohhliah hnu ih thu a fiang dingih Bahan palik zung pawlin case(အမႈ) an ong ding tiin thu theih a si.

Hivek thuhla cu amahte Phazawngdai cu rel lo ziang dai khal va sisehla mipi theih le langhngan ih puai an tuah cu ram mipi le Myanmar minung pawl ziang an siar tluk a si thlang tiin kannih cun kan hmu” tiin mino IT lam thiam Ko Win Mg cun a sim.

“Himi cu milai covo tiin sim a theih. A taktak ahcun hih section hi hlon ding a si. Culawngah Milai covo famkim a um tiin sim a ngah ding. Hih ram ahcun himi hi ningzakza a si tiin kan zohnau cio. himi pawl hi doawknak sung luh a ttul khalah luh ding a si. Ram mipi pawlin himi thuih an hmuhnak a kauhnak dingah kannih khalin a cang theitawkin kan tawlrelin kan tthansoter a ttul” tiin neih bangaw duhtu mi pakhat in a sim.

Kawlram ah neih bangaw kutsihnak hi daan in a kham ko nan neih bangaw duhaw pawl covo hrang lam thawih pehparin neih bangaw duhdawtnak lam pawlkom 19 tiang a um zo. 2014 ahcun pawlkom 25 um dingin an zuam rero thu theih a si.

Source: Myanmar CNN

(Visited 721 times, 1 visits today)

Comments

comments

One Comment

  1. This is none of other people’s business but the two. Who marry who or who divorce who is none of the regime’s business. Everyone has the right to sleep with whom he/she wants in his/her bed.

Comments

%d bloggers like this: