Tthatnak Hleice

November 9

Tlawngkai Nihnih

Tthatnak Hleice

Siar:

1 Korin. 9:24-27

Sikhalsehla Thlarau ih rahsuahmi cu duhdawtnak, lungawinak, hnangamnak, lungsaunak, mi zaangfahnak, tthatnak, rintlak sinak, nunneem tangdornak le sup awk theinak tla an si. Cubangtuk rah umnak ahcun daan cu a ttul nawn lo.    – Galati 5:22-23

Kumkhat Sung Baibal:

–   Jeremiah 46-47

–   Hebru 6

Food in Medieval Times timi cabu sungah cangantu Melitta Adamson in culai san Europe ram mi pawl ih duhmi hmeh suan daan le ramdang ih ra lutmi thil thawn rawl timtuah ih nom daan thuhla pawl a ngan. Asinan cuih mangbangza rawlhmen phunkim ih a suahpimi a poizetmi cu ei tamtuknak (over eating) a si. Khristian nithla siarnak sungah rawl ulhnak le rawl ei puai tivek a tam thei nasa. Rawl ei lo ih hrem-awknak cu a caancaan ah rawl tamtuk einak in a thlun.

Thomas Aquinas in himi thu thawn pehpar in Khristian ziaza ah sup-awknak a thupitzia a sim ih, “tthatnak hleice,” a ti. Ei le in ih sup awknak lawng si loin zumtu nun a kilkip ah sup-awknak a ttul daan a hmufiang.

Zumtu hrangah sup-awk theinak hi milai huham le thiltitheinak in rami a si lo. Mah le mah kilkhawi awk theinak cu Thlarau Thianghlim hnen ihsin a rami a si: “Thlarau ih a rahtermi cu duhdawtnak, lungawinak, hnangamnak, thinsaunak, mi zaangfahnak, tthatnak, rintlak mi sinak, lungneem tangdornak le sup-awk theinak tla an si” (Galati 5:22-23). Mahte uk awk theinak (self control) cu Thlarau ih rahsuahmi ziangtinkim ih “sup-awk theinak” a si (1 Korin. 9:25).

Rawl ei, cawlh-um, hnattuan, nunnom, Pathian hnattuan le thil ttha dangdang khal sup-awknak thawn tuah ding a si. Tikcu caan malte laak tahrat in cuih tthatnak hleice na neih theinak dingah Pathian hnen dil aw.  – Dennis Fisher

Mahte uk awk theinak rah ngah ding cun,

Pakhatkhat na tuah a ttul;

Thil ziangkim ah na duhnak hlan aw,

Na sungih a nung Thlarau hnenah. – Kieda

Mahte uk aw thei dingah

uknak cu Thlarau Thianghlim pek aw.

(Visited 22 times, 1 visits today)

Comments

comments

Comments

%d bloggers like this: