Tthansonak Ttumsuktertu Langternak

May 2

Nipi Ni

Tthansonak  Ttumsuktertu  Langternak

Siar:

1 Korin 29:10-13

Lei le van ih thil ummi hmuahhmuah na taa an si thluh ih ziang hmuahhmuah ih tlun ah siangpahrang le uktu bawibik na si.

-1 Sansiarnak 29:11

Kumkhat Sung Baibal:

–    1Siangpahrang 12-13

–    Luka 22:1-20

John Piper in, “Tthansonak ttumsuktertu hi ziang a si?” timi a sermon sungah sumpai lam tlaksiat tikah Pathian in tumtahnak a nei ih cuih a tumtahmi pawl sungah a hrekkhat cu a tanglam pawl hi an si thei a ti:

1. Sualsir awknak le thianhlimnak hrangah a thup awmi sualnak phuang dingin.

2. A tthangso rero na’n tlaksiatnak besiabik a um ringring ih bei a dongmi leilung ah tthanghharh ih kan umnak dingah.

3. Kan neihmi thilri ah si loin A zaangfahnak ah, kan sumpai ah si loin A lainatnak ah, kan lennak ah si loin Amai’ thupitnak parah kan lungawinak ret saal dingin.

4. A Thuthangttha karhzainak le a Kawhhran tthansonak hrangah hnattuantu ding an malzetnak hmunram thar ah hmainor dingin.

5. A Kawhhran sungih thinlung a naa mi pawl fingkhawi dingin le duhdawtnak laksawng an neihmi tthanter dingin.

Harsat caan ah Pathian in ziang in zirh duh lai sipei? Pathian ih tuah thei lomi  zianghman a um lo (Luka 1:37). Hramlak ih ramsa hmuahhmuah a neitu (Saam.50:10) cu sumpai tlaksiatnak in ri a khiah sak thei lo. Pathian in thuthangttha sim dingih a thupekmi a tthawn dah lo ih, in hngilh dah fawn lo (Matt. 28:20). Leitlun lennnak ah kan ruahsannak ret loin cu hmuahhmuah a neitu Pathian hnenah ret sawn uhsih!   – Cindy Kasper

Kan lamzin ih harsatnak a suah tikah,

Pathian in Amah hmuhternak dingah a hmang;

A mah thinlung takih kan rinsan tikah,

A zaangfahnak le tthatnak kan thei ding.

Na neihmi a zate Pathian a si tikah,

na ttulmi hmuahhmuah na nei.

(Visited 16 times, 1 visits today)

Comments

comments

Comments

%d bloggers like this: